جدہ ۔14جون ( اے پی پی ) اسلام کانفرنس تنظیم (او آئی سی ) ئَ گشتگ کہ فلوریڈا ئَ بوتگیں اُرش ئِ ھوالگئَ تحقیقاتئَ چہ پیسر ھچ وڑیں وت ساچیں گپ کنگ مہ بیتءُ نہ اے وئیل ئَ را اسلام ئِ ھلاپ ئَ کارمرز کنگ بہ بیت۔ اسلامی کانفرنس تنظیم ئِ نیمگئَ جاری بوتگیں یک بیانے ءِ تہا امریکی حکام ئِ سرئَ زور پِر دیئگ بوتگ کہ آ کجام وڑیں تحقیقاتئَ چہ پیسر اے وئیلئَ را مسلمان آنی ھلاپ ئَ کجام ھم مہم ئِ ھاترئَ پلیٹ فارمئِ ارزشت ئَ کارمرز کنگ میل ایت ءُ نہ ایشی ئَ چہ پیسر وت ساچیں گپ کنگ بہ بیت۔ بیان ئِ تہا گشگ بوتگ کہ آ مردم کہ اے وئیل ئَ را سیاسی ایجنڈا ئِ ھاترئَ مسلمان آں گوں بندوک کنگ لوٹ اَنت آ اسلام ئِ راستیں پجّارئَ ھلاس کنگ لوٹ اَنت۔ بیانئِ تہا گیش گشگ بوتگ کہ اسلام امن ءُ ایمنی ئِ مذہب اِنت۔
