اقوام متحدہ نا سویلی سوڈان آ سلہہ غاتا پابندی نا پڑو

نیو یارک۔ 13جون (اے پی پی) اقوام متحدہ نا سیکرٹری جنرل بان کی مون شام اٹی سیدہ بی بی زینب نا مزار آ جلہو آتا ترندی اٹ مذمت ئِ کرینے۔ نیو یارک آن برجاءکروک بیان اسے ٹی اقوام متحدہ نا سیکرٹری جنرل نا دارالحکومت دمشق انا ہند آتیا واقع سیدہ بی بی زینب نا مزارآ جلہو آتامذمت ئِ کرسا اودے” بے کچ بہیمانہ“ دہشت گرد جلہو گوندانے۔ اقوام متحدہ نا سیکرٹری جنرل پارے کہ لس شاری تیا جلہو آتیٹی اوار بندغ آتے اوفتا کروک نا سزا ترفنگے۔ یات سلے کہ پیغمبر اسلام نا نواسی سیدہ بی بی زینب نا مزار آ مروک آ اِرا دھماکہ غاتیٹی کم از کم 12بندغ تپاخت وخت اس کہ کیہی پین ٹھپی مسنو۔ شام انا سرکاری حوالکارآتا رداٹ اسہ خودکش جلہو گیر اس مزار نا بنجائی درگہ غا دھماکہ کرے و اوکان گڈ اسہ کار بمب دھماکہ اس مس ہراٹی بھلو کچ اسے ٹی بھس کاری مس۔