اسلام آباد۔09 جون (اے پی پی) بنجائی وزیر ریاستیں و سیمی امور جنرل (ر) عبدالقادربلوچ پارینے کہ پاکستان و بھارت ئِ نیو کلیئر سپلائر رڑ اٹی بریبری نا بنداو آبایدے نمائندگی ملے۔ پنچ شنبے آ پارلیمنٹ ہاﺅس نا پیشن میڈیا تون ہیت وگپ کرسا اوپارے کہ پاکستان نا تعلقداریک ہراملک اتون امر کہ مریر ملک انا مفادات آتے مون آ تخسا ہی فیصلہ کروئی مریک پاکستان آن زیات ہچ گہس نا ہیت انا اہمیت اف اوپارے کہ امریکہ تون تعلقداری تے گچین جوڑ کننگ کن ملک انا مفادئِ دوست تخنگک و دا بابت ہچ ئُ سمجھوتہ اس مفک بنجائی وزیر پارے کہ پاکستان و بھارت ہڑتوم آک جوہری عدم پھیلاﺅ نا معاہدہ (این پی ٹی ) آ دستخط کتوس ہنداخاطران ہڑتوم آ ملک آتے نیو کلیئر سپلائر رڑاٹی بریبری نا بنداو آ بایدے نمائندگی ملے۔
