اسلام آباد ۔9جون(اے پی پی)گوست مزن وزیر میر ظفر اللہ خان جمالی ئَ گوشتگ کہ مارا پارلیمنٹ ئِ شرپ ئِ ھیال ایر کنان ئَ کُلاں چپ پیش ئَ پاکستان ئِ مفاد ئِ رکھگ ئَ را یقینی جوڑ کنگ بہ بیت چیاکہ پاکستان ھست انت تہ ما کُل ھست ایں ،سیمسر ئَ چہ پار چئے بوھگ انت مارا اے ھوالہ ئَ وتی ترجیحات بدل کنگ بوھنت۔پنچ شمبے ئَ بنجاہی اسمبلی ئِ دیوان ئِ نیام ئَ میر ظفر اللہ خان جمالی ئَ زرام ئِ باست ئَ بہر زورت ئُُ گشتگ کہ جمہوری حکومت ئَ وتی چارمی زرام پیش دارگ ئَ پہ ھزانگ وزیر اسحاق ڈار مبارکباتی ئِ حقدار انت۔آہاں زرام ئِ بازیں بہر آنی ھوالہ دیان ئَ گوشتگ کہ سی پیک ئُُ اورنج لائن منصوبگ وتی ھنداں بلے بلوچستان ئَ را بنجاہ ئَ چہ ہما کہ بہر رسگ انت ایشاں چہ صوبہ ئِ جیڑہ گیش ئُُ گیوار مہ بوت کن انت۔آہاں گوشتگ کہ ما پاکستان ئَ را جوڑ ئُُ ششان ئَ دیستگ انت ،اللہ مزن وزیر محمد نواز شریف ئَ را جان دراہی ئَ دئیت،آں محب وطن پاکستانی انت ،آہاں گوشتگ کہ گمان انت کہ آہاں ئَ را ایوان ئَ چہ دز کش بوھگ بہ بیت بلے ایشی ئَ چہ پیشا آں مزن وزیر ئَ گوں ھبر کن انت،آہاں گشتگ کہ آں نادراھ انت شاید اے آہانی گڈی گوشتانک انت ایشی ئِ سرا سپیکر ئَ آہانی ھاترا جان دراہی ئُُ زند ئِ ھاترا دعا کتگ۔
