اسلام آباد۔ 08جون ( اے پی پی) پیپلز پارٹیئِ باسک نواب محمد یوسف تالپور ئَ گشتگ کہ کشتءُ کشاریئِ پڑئَ را ڈلگ چار کنگ بہ بیت گڈا معیشت گہتر بوت نہ کنت، کشتءُ کشاریئِ پڑئَ دراھیں ٹیکس ھلاس کنگ بہ بنت۔ چارشمبے ئِ روچئَ راجی اسمبلی ئَ آﺅکیں مالی سال 2016-17ئِ بجٹ ئِ سرئَ باستءُ واست ئِ تہا بھر زوران ئَ نواب محمد یوسف تالپور ئَ گشتگ کہ زراعت پاکستانئِ ھاسیں بھر اِنت۔ کشتءُ کشاری ئِ پڑ ئَ ڈلگ چارکنگءَ چہ معیشت ئِ تہا دیم روئی بوت نہ کنت۔ آئی ئَ لوٹ کتگ کہ کشتءُ کشاریءِ پڑئَ دراھیں ٹیکس ھلاس کنگ بہ بنت۔ کرپاس ءُ دھانئِ برآمد کنگ ئِ ھاترئَ ھمگرنچیں ادارگ آں فعال کنگ بہ بیت۔ آئیئَ سوج داتگ کہ پی ایس ڈی پی آھودہ ھرچ کنگ بہ کہ آھود ہ آئی ئِ ضلورت بہ بیت۔ آئی ئَ گشتگ کہ سرکاری شعبہ ءَ دیم روئی پروگرام آنی سکیم آنی تہا صوبہ آنی درنیامئَ ریاءُ روح کنگ مہ بیت۔
