اسلام آباد۔08جون (اے پی پی) آپءُ لین ئِ بنجاھی وزیر عابد شیر علی ئَ گشتگ کہ سھور، دبّوج ءُ تراویح ءِ وھداں بے مھتلی لین پھجارینگ بوھگئَ اِنت ، ملک ءِ تہا گیش تاوان والاھیں دمگاں ابید بے جاریں لوڈشیڈنگ نہ بوھگئَ اِنت۔ چار شمبے ئِ روچئَ ایوان بالائِ اجلاس ئَ سینیٹر عتیق شیخ ئِ دلگوشی کنگئِ نوٹس ئِ پسوئَ آپ ءُ لین ئِ بنجاھی وزیر عابد شیر علی ئَ گشتگ کہ سرجمیں ملک ئَ بے جاریں لوڈ شیڈنگ نہ بوھگئَ اِنت۔ آ جاھاں کہ تاوان 80ئَ چہ 85درسد اِنت آھودہ 10ئَ چہ12کلاک ءِ لوڈشیڈنگ بیت ، آ جاھاں نقصان 90درسد اَنت آھودہ18کلاک لوڈشیڈنگ کنگ بیت۔ آئیئَ گشتگ کہ سھور ، دبّوج ءُ تراویح ئِ وھداں بے مھتلی بجلی پھجارینگ بوھگئَ اِنت۔ انڈسٹری ئَ را دبّوج تاں سھور بجلی بند کنگ بیت۔ لین ئِ لوٹءُ رسگئَ تپاوت اے وھدئَ450میگاواٹ اِنت۔ ٹرانسمیشن لائن آنی سببئَ چہ ھم جیڑھ اَست اَنت۔ آئی ئَ گشتگ کہ مردماناں آسراتی پھجارینگ حکومت ئِ زمہ واری اِنت ءُ مہ اے زمہ واری ءَ را پیلو کنگ ئَ اَنت۔
