اسلام آباد۔ 08جون ( اے پی پی ) سیفران ئِ بنجاھی وزیر لیفٹیننٹ جنرل(ر) عبدالقادر بلوچئَ گشتگ کہ فاٹا ئَ اصلاحات ئِ ھاترئَ جوڑ کتگیں کمیٹی ئَ وتی شورءُ صلاھ سرجم کتگ اَنت، سفارشات ئَ را گڑی دروشم دیئگ بوھگئَ اِنت، رپورٹ زوت مزن وزیرئَ را پیش کنگ بیت، قبائلی عمائدین وتی استیں ارزشتئَ دارگ لوٹ اَنت ءُ دمگ ئِ ورناھیں باپارءُ دگہ مردم خیبر پختونخوا ئَ جوانیں نظام لوٹ اَنت، گڈی پیسلہ ئَ مزن گس کنت۔ چارشمبے ئِ روچئَ ایوان بالا ئَ سینیٹر عبدالقیوم ئِ دلگوشی کنگئِ نوٹس ئِ پسوئَ سیفرانئِ بنجاھی وزیر ئَ گشتگ کہ فاٹا ئِ اُلسئَ ملکئِ ھاترئَ سک باز قربانی داتگ ھاس ناشرکاریئِ ھلاپ ئِ جنگئَ آھانی قربانی ڈلگ چار کنگ نہ بنت۔ فاٹا ئِ اُلس امنءُ ایمنیئِ ھاترئَ لوگاں چہ بے لوگ بوتگ اَنت۔ آئیءَ گشتگ کہ فاٹا ئِ گچین بوتگیں بوتگیں نمائدگ ھم وتی دمگاں کانود سازی کُت نہ کن اَنت، آھودے اُلس ئَ را نمائندگی ئِ ھق بہ رسیت آ وتی جیڑھاں وت گیشءُ گیوار کُت کن اَنت۔ آئی ئَ گشتگ کہ فاٹا ئِ اُلسئَ را چیر تراینگ ئِ ھاترئَ انگریزاں کہ سیاھیں کانود جوڑ کتگ اے ھلاس کنگ بہ بنت، ایف سی آر ئَ ترمیم آرگ بہ بیت گڑا آ وتی جیڑھاں وت گیشءُ گیوار کُت کن اَنت۔ آئیئَ گشتگ کہ فاٹا ئِ اُلس ئِ لوگاں واتری، بحالی ھاسیں جیڑھ اِت اے بابتئَ کمیٹی جوڑ بوتگ کہ ایشی ئِ سروک صلاھ کار سرتاج عزیز اِنت۔ مہ ایجنسی آنی تہا رﺅگئَ اَنتءُ جیڑھانی گیشءُ گیواری ئِ ھاترئَ کار کنگءَاَنت۔ ھپت ایجنسی آنی گیشءُ گیوار کتگ۔قبائلی عمائدینءُ لس مھلوک ئِ ھیال ءُ لیکہ معلو م کنگ بوھگئَ اَنت۔ ایف آر ئِ ھوالگئَ چہ ھم شورءُ صلاھ کنگ بوتگ۔ اصلاحاتئَ چہ پیسر مردماناں لوگانی واتری ءُ بحالی ئِ ضلورت اِنت۔ قبائلی عمائدین قبائلی جرگے ءُ قبائلی رواجاں دارگ ئِ واھشت مند اَنت وھدے ورناھ ، باپارءُ دگہ مردم خیبر پختونخوا ئَ جوانیں نظام لوٹ اَنت۔ آئی ئَ گشتگ کہ کمیٹی ئِ سفارشات ئَ را گڑی دروشم دیئگ بوھگئَ اِنت۔ زوت رپورٹ مزن وزیر ئَ را پیش کنگ بیت۔ اے جیڑھئِ سرئَ یک مزنیں جرگہے ھم توار جنگ بیت۔ آئی ءَ گشتگ کہ سالاں نہ ماھانی تہا فاٹائَ اصلاحات کنگ بہ بیت۔
