اسلام آباد۔ 08جون (اے پی پی) متحدہ قومی موومنٹ چارشنبے آ ڈاکٹر فاروق ستار نا اُرانا محاصرہ نا برخلاف قومی اسمبلی آن احتجاجاََ واک آﺅٹ کریر۔ چارشنبے آ قومی اسمبلی ٹی بروک آ مالی سال 2016-17ءنا بجٹ آ شرہ نا بناءآن مست ایم کیوایم نا باسک خالد مقبول صدیقی پارے کہ تدوک آدے ایم کیو ایم نا پارلیمانی راہشون ڈاکٹر فاروق ستار نا اُرانا بیدس موکل محاصرہ ئِ کننگا۔ جمہوری دوراٹی بایدے داوڑ مف۔ نن دا غیر جمہوری و آمرانہ رویہ غا احتجاجاََ ایوان آن واک آﺅٹ کینہ۔ اوڑتون اوار ہی ایم کیو ایم نا باسک آک ایوان آن واک آﺅٹ کریر۔ اسپیکر بنجائی وزیر میاں ریاض حسین پیرزادہ ئِ پارت کرے کہ ایم کیو ایم نا باسک آتے راضی کرسا ایوان اٹی پدی ہتنگے۔
