اسلام آباد۔ 08جون (اے پی پی) وزیر مملکت دیر و بجلی عابد شیرعلی پارینے کہ سہور، باملنگ و ترابیح نا وخت آتیٹی بلاتعطل بجلی فراوان کننگ انگ ئِ ، ملک اٹی زیات نسخان انگا علاقہ غاتیان بیدس جاگہ اس ہم غیر اعلانیہ لوڈ شیڈنگ مفننگ ئِ ۔ چارشنبے آ ایوان بالا نا دیوان اٹی سینیٹر عتیق شیخ نا توجوہ ترفوک نوٹس نا ورندی ٹی وزیر مملکت دیر و بجلی عابد شیرعلی پارے کہ مچ آ ملک اٹی جاگہ اس ہم غیر اعلانیہ لوڈ شیڈنگ مفننگ ئِ۔ ہراڑے لاسز آک 80آن 85درسد ئُ ہموڑے دہ آن دُوانزدہ گھنٹہ نا لوڈشیڈنگ مریک ہراڑے نسخان آک 90 درسد ئُ ہموڑے 18گھنٹہ لوڈشیڈنگ ہم کروئی تمک۔ اوپارے کہ سہور ، باملنگ و ترابیح نا وخت آتیٹی بلاتعطل بجلی تننگ انگ ئِ۔ انڈسٹری ئِ باملنگ آن سہور اسکان بجلی بند کننگک۔ بجلی ناطلب و رسد اٹی پرخ داوخت آ 4500 میگاواٹ ئِ۔ ٹرانسمیشن لین تا سوب آن ہم ویل آک اریر۔ ہراتم فنڈز و دباﺅ زیات مریک تو ٹرانسفارمرز نا سوب آن مشکلات مریک۔ اوپارے کہ خلقت آتے آسراتی تننگ حکومت نا زمہ واری ئِ و نن دا زمہ واری ئِ پورو کننگ اُن۔
