اسلام آباد۔7جون (اے پی پی) بُنجاھی وزیر تجارت انجینئر خرم دستگیر خان ئَ گوشتگ کہ پیسر ئِ مٹ ئَ انوگیں پاکستان سرمایہ کاری ئِ ھاترا جوانتر اِنت۔ امن ئُُ ایمنی ئُُ شریں زرّکاری ئِ بدولت ئَ پاکستان ئَ کاروباری چست ئُُ ایر برجا بوھگ ئَ اَنت، دیمروئی کار گوں ترندی ئَ بوھگ ئَ اَنت اَستیں دور ئَ پاکستان دیم پہ دیمروئی ئَ روگ ئَ اِنت۔ اے ھیالانی سرشانی بُنجاھی وزیر ئَ نیویارک ئَ چارمی پاک امریکہ کاروباری موہ آنی بابت ئَ برجم داشتگیں کانفرنس ئَ گوں تران ئَ گوشت اَنت۔ بُنجاھی وزیر ئِ سربراہی ئَ دو سد کاروباری مردمانی ٹولیگ کانفرنس ئِ تہ ئَ امریکہ ئَ ساڑیگ اَتاں۔ کانفرنس ئِ تہ ئَ دوئیں ملک آنی نیام ئَ کمک ھاسیں رنگ ئَ ٹیکسٹائل (فیشن اپیرل)، کشت ئُُ کشاری، جان سلامتی ئُُ انفارمیشن کمیونیکیشن ٹیکنالوجی ئِ شوبگ آنی تہ ئَ تجارت ئُُ سرمایہ کاری ئِ موہ آناں سُہرا کنگ بوت۔
