اسلام آباد۔ 07جون (اے پی پی) وزیر مملکت دیر و بجلی عابد شیرعلی پارینے کہ حکومت ہژدہ گھنٹہ غاتا لوڈشیڈنگ ئِ کم کرسا 6گھنٹہ غا ایسونے مسکوہی نا حکومت آتا لوڈشیڈنگ نا عذاب بروک آ سال آتیٹ چٹک ، وزیراعلیٰ بلوچستان وزیراعلیٰ پنجاب شہباز شریف آنبار ہڑزان بازار خلیفے تانکہ الس ئِ زیات آن زیات ریلیف ملنگ کے۔ سے شنبے آ پارلیمنٹ ہاﺅس نا پیشن میڈیا تون ہیت وگپ کرسا اوپارے کہ پاکستان مسلم ن نا حکومت توانائی نا تنکی نا ایسری کن ہڑدڑی بنداو تیا کاریم کننگ ئِ مچ آ ملک اٹی توانائی نا کیہی ڈٹ آتیا ترندی اٹ کاریم جاری ئِ ساڑی آ حکومت لوڈشیڈنگ ئِ ہژدہ گھنٹہ آن کم کرسا شش گھنٹہ اسکان ایسونے روچہ نا مبارک انگا تو اٹی وزیراعظم نا پارت آ سھور و باملنگ نا وخت آتیٹی لوڈشیڈنگ 85درسد علاقہ غاتیٹی کپننگ انگ ئِ۔ اسہ سوج اسینا ورندی ٹی اوپارے کہ وزیراعلیٰ بلوچستان ئِ شہباز شریف آنبار ہڑزان روچہ بازارا س خلوئی مرے تانکہ نیزگار خلقت آک او ہڑزان انگا بازار آتیان مستفید مننگ کیر۔
