اسلام آباد۔ 07 جون (اے پی پی) بنجائی وزیر دفاع خواجہ آصف پارینے کہ عمران خان مسکوہی مسہ سال آن حکومت نا برخلاف شورشرابہ کننگ ئِ اونا مسخت اقتدار نا دوئی ئِ، پانامہ لیکس ہچ ئُ ویل اس اف۔ سے شنبے آ پارلیمنٹ ہاﺅس نا پیشن میڈیا تون ہیت وگپ کرسا اوپارے کہ عمران خان نا برخلاف پاکستان تحریک انصاف نا قومی اسمبلی نا باسک آک بغاوت نا علم ئِ بڑز کریر وخت اس کہ اسہ خواجہ اسینا بیگم نا ضمانت ضبط مننگ نا باوجود تینٹ تینا مون ئِ ڈھکیسا چرینگ انگ ئِ۔ اوپارے کہ عمران خان مسکوہی مسہ سال آن حکومت نا برخلاف شورشرابہ کننگ ئِ دراصل اونا شور شرابہ نا مسخت اقتدار ئِ دوئی کننگ کن شارٹ کٹ کسرنا پٹنگ ئِ ہراوخت اس ہم اودے ملیپک۔ اسہ سوج اسینا ورندی ٹی اوپارے کہ پانامہ لیکس نا ہچ ئُ معاملہ اس اف ہراخلقت آک ناروا ذریعہ اٹ دولت ئِ پیشن نا ملک آ گدریفینو اوفتا برخلاف کارروائی کننگے۔ حکومت ہم ہندانا حق اٹی ئِ۔ بنجائی وزیر پارے کہ آف شور کمپنیک کانودی ئُ۔ پی آئی اے نا غٹ جہاز آک آف شور کمپنی تا پن تیٹ ئُ۔
