اسلام آباد۔ 07جون (اے پی پی) وزیر مملکت نیشنل ہیلتھ ریگولیشنز سائرہ افضل تارڑ پارینے کہ ہارڈ شپ کیس آتیا 612 آن 177دوائی تا نرخ آتیٹی ودکی کننگا۔ سے شنبے آ ایوان بالا ٹی سینیٹر عتیق شیخ نا توجوہ مبذول نوٹس نا ورندی ئِ ترسا وزیر مملکت پارے کہ ہارڈ شپ کیس آتیا و عدالت نا حکم ئِ مون آتخسا 612 آن177 دوائی تا نرخ آتیٹی ودکی نا فیصلہ کننگا۔ 2011 ءآن ہارڈ شپ کیس آک پدسلوک ئسر ہراتم آن ڈرگ ریگولیٹری اتھارٹی آف پاکستان (ڈرپ) جوڑ مسنے دا دوائی تا نرخ آتیٹی ودکی شفاف وڑوڈول اسینارداٹ کننگانے۔ اوکان مست سینیٹر عتیق شیخ دوائی تا نرخ آتیٹی ہشت درسد ودکی آن بابت ڈرپ انا فیصلہ نا کنڈا حکومت نا توجوہ مبذول کرفنگ کن توجوہ مبذول نوٹس ئِ پیش کرے۔
