اسلام آباد۔ 07جون (اے پی پی) وزارت داخلہ نا اسپیشل سیکرٹری شعیب صدیقی پارینے کہ پاکستان امن و ایمنی نا مون آدننگ کن منی لانڈرنگ م، منظم ڈوہداری، انسانی اسمگلنگ و سیم آن ایپار نیام تمنگ ئِ توننگ کن چندی گام گیج آتے چست کرینے۔ نیو یارک آن موصول مروک آ اسہ پریس ریلیز اسینا رداٹ اقوام متحدہ نا پولیس آن بابت ساڑی و آخبت نا رجحان آتا بارواٹی اقوام متحدہ نا پولیس سروک آتا دیوان آن تران کرسا اوپارے کہ پاکستان اقوام متحدہ نا پولیس نا واضح مینڈیٹ آ زورشاغک ہراڑآ بایدے سرسہبی اٹ عملدرآمد مرے۔ اوپارے کہ وزارت داخلہ درکار ہدف نا دوئی کن ذاتی چاروکی و قائدانہ کوشست کننگ ئِ۔ اوپارے کہ داغٹ کوشست آتا مسخت پاکستان خاص کر و دنیا ئِ بالعموم اسہ رکھوک جاگہ اس جوڑ کروئی ئِ۔ اوپارے کہ پاکستان مشکل حالیت آتون مون تننگ نا بھلو آزموندہ اس تخک۔ ننا کارندہ غاک موثر امن ئِ برقرار تخنگ نا گام گیج آتا کمک اٹ امن نا دژمن تے بے سہب جوڑ کریر ، کانود نا حکمرانی ، ادارہ جاتی کاریم نا کچ اٹ ودکی، تخفیف سلہہ و باغی تے شکست ترسا دنیا نا جتا ملک آتا امن نا اڈتننگ اٹی کمک تس۔ اوکان بیدس راجی خذمت سرانجام ترسا بنداوی ڈھانچہ نا جوڑ جاڑ و ڈٹ آتا زوت پوروی ئِ باوری جوڑ کننگا۔ اوپارے کہ پاکستان قومی و بین الاقوامی امن نا مون آ دننگ کن پرعزم ئِ و جہانی نصب العین کن پاکستان عظیم کوشست وقربانی تس۔ اوپارے کہ امن ئِ برقرارتخنگ نامشن اٹی نن پاکستان کن پین فعال و نمان کڑد اکن پراومیت اُن۔
