ریاض ۔07جون ( اے پی پی) سعودی عرب ئَ مسافر بس ءُ ٹریلر ئِ ڈُھک وارگئِ نتیجگءَ 15مردم بیران ءُ 45ٹپیگ بوتگ اَنت۔ سعودی ھال رسانکئِ وسیلگئَ گشتگ کہ ریاض قسیم شاہراہ ئِ سرئَ مسافر بس گوں یک ٹریلرے ئَ گوں ڈُھک وارتگ۔ وئیل ئِ تہا بیران بوتگیں ءُ ٹپیگ بوتگیں دراھیں مردم درملکی اَنت بلے آھانی پجّار تاں انگت پدّر کنگ نہ بوتگ۔ پولیس ئَ گشتگ کہ وئیل ئَ چہ رند بسئَ آس لگ اِتگ کہ ایشی ءِ سببئَ چہ بازیں کساسے ئَ مردم بیران ءُ ٹپیگ بوتگ اَنت۔ ریاض ئِ گورنر شہزادہ فیصل بن بندر ئَ ٹپیاناں طبی آسراتی پھجارینگئِ پرمان داتگ ۔ محکمہ جانءُ سلامتی ریاض ئَ نادراھی جاھاں ایمرجنسی جتگ ۔
