کوئٹہ۔ 06جون ( اے پی پی) بلوچستان پولیس ئَ ماہ مقدس ئِ وھد ئَ صوبہ ئَ بحالی امن ئِ ھاتر ئَ ھاسیں سیکورٹی پلان برجاہ کرتگ۔ کوئٹہ ئِ ھواری ئَ درستیں بلوچستان ئَ رمضان المبارک ئِ وھد ئَ اُلس ئِ جان ئُُ مال ئِ رکھگ ئَ یقینی جوڑ کنگ، سحر ئُُ افطار، نماز تراویح ئُُ نماز ئِ وھد ئَ بلوچستان پولیس ئَ صوبائی دارالحکومت کوئٹہ ئَ ھاسیں رمضان سیکورٹی پلان ئِ ردا 1100پولیس کارندہ ئُُ ورنا آں تعینات کرتگ انت چوشکہ کوئٹہ ئَ 53پیٹرولنگ پوائنٹس ئُُ 25ھاسیں ناکہ جات جنت، 66ورنا فالکن سکواڈ ئُُ بلوچستان کانسٹیبلری ئِ 200ورنا چوشکہ آر آر جی ئِ ورنا ھاسیں گشت کن انت۔ اے ھیال آنی درشانی انسپکٹر جنرل پولیس بلوچستان احسن محبوب ئَ رمضان المبارک ئِ سیکورٹی پلان ئِ چار ئُُ تپاسی دیوان ئَ تران کنگ ئَ کرتگ۔ آئی ئَ گشتگ کہ رمضان المبارک ئَ امن ئُُ ایمنی ئِ جاورال ئَ دِگہ شر تر جوڑ کنگ ئِ ھاتر ئَ سیکورٹی پلان اڈ دئیگ ئَ صوبہ ئِ درستیں ڈی آئی جیز ئُُ ڈی پی او ئَ ھاسیں حکم برجاہ کرتگ انت کہ آ ھاسیں شاہرگ آنی سرا گشت ئَ زیات کنگ ئَ تہی ئُُ ڈنی راہ آں چیک بہ کن انت ئُُ مسیت ئُُ امام بارگاہ ئُُ ھاسیں واپاری جاہ آں رمضان المبارک ئِ شریں ماہ ئِ وھد ئَ سیکورٹی ئِ فل پروف بند ئُُ بست بہ کن انت ۔ اے موہ ئَ انسپکٹر جنرل پولیس بلوچستان احسن محبوب ئَ گشتگ کہ کوئٹہ ئَ ٹریفک ئِ نظام ئَ شر جوڑ کنگ ئِ ھاتر ئَ ہم ھاسیں حکم داتگ انت چوشکہ ٹریفک پلان برجاہ کرتگ انت ایشی ئَ ابید ٹریفک کارندہ آن وھدے ڈیوٹی افطاری دئیگ ئِ بند ئُُ بست ہم کرتگ انت۔ اے موہ ئَ آئی ئَ گشتگ کہ مفرور ، اشتہاری، بلیک بک، ریڈ بک ئِ مطلوب ملزم آں دست گیر کنگ ئَ ابید اسٹریت کرائم ئِ تدارک ئِ ھاتر ئَ ہم گام گیج بہ کن ات۔ دیوان ئَ سیکورٹی ئُُ ٹریفک پلان ئِ ھوالہ ئَ آئی جی پولیس ئَ سرجمی ئَ بریفنگ دات انت۔
