اسلام آباد۔ 06جون (اے پی پی) ایوان بالا ئَ عظیم باکسر محمد علی ئِ ازمتاں داد ءُ سلام کنگئِ تپاک نامہ ھم تپاکی ئِ گوما منّگ بوگ۔ دوشمبے ئِ روچئَ ایوان بالا ئِ اجلاس ئَ قائد ایوان سینیٹر راجہ ظفر الحق ئَ تپاک نامہ پیش کتگءُ گشتگ کہ سینیٹ آف پاکستان سئے رندئَ ہیوی ویٹ باکسنگ چیمپئن ءُ بنی آدم ءِ ھکانی نامداریں کارکن محمدعلی ءَ را دادءُ سلام پیش کنت کہ آئی ئَ باکسنگ ءِ پڑئِ تہاءُ ڈنئَ یک نمونگے ئِ ارزشتئَ زند گوازینتگ۔ آئیئَ گشتگ کہ آئیءِ مزنیں سوب مندی اے بوتگ کہ آ ویت نام ءِ جنگئِ ھلاپ بوتگ۔ تپاک نامہ ئِ تہا دعا لوٹگ بوتگ کہ اللہ تعالیٰ ھُد ا مُرزی محمد علی ئَ را وتی رحمتانی تہا جاگہ بہ دنت ءُ ھاندانئَ را سگءُ اوپار بہ دنت۔ تپاک نامہ دراھیں گلانی ھم تپاکی ئَ گوں پیش کنگ بوتگ۔ ایشی ئَ چہ پد ایوان ئِ سروک سینیٹر راجہ ظفرالحق ئَ ھُدا مُرزی ئِ ھاترئَ پاتحہ ونتگ۔ سینیٹر مشاہد حسین سید ئَ ھم محمد علی ئَ را دادءُ سلام پیش کتگ ءُ گشتگ کہ آ بامردے بوتگ ۔
