اسلام آباد۔ 06جون ( اے پی پی ) دیمپانی پیداوار ئِ وزیر رانا تنویر حسین ئَ بنجاھی بجٹ2016-17ئَ را اُلس دوست بجٹ لیک اِتگ ءُ گشتگ کہ اے دھکانی ھاترئَ مزنیں سوگاتے۔ ریڈیو پاکستان ئَ گوں تران کنان ئَ آئی ئَ گشتگ کہ بنجاھی بجٹ ئِ تہا کشتءُ کشاری ئِ ھاترئَ کتگیں گامگیجاں چہ کشتءُ کشاریءِ پڑئَ دیم روئی بیت ءُ جی ڈی پی ئِ تہا گیشی ئِ سبب جوڑ بیت۔ آئیئَ گشتگ کہ انوگیں حکومتئِ اولی کاراِنت کہ لس مھلوکئَ را گیشا ں چہ گیش پاھدگ پھجارینگ بہ بیت۔ آئیئَ گشتگ کہ ملکئِ تہا ھارئَ چہ دھکاناں باز تاوان بوتگ ءُ حکومتئَ دھکانانی جیڑھ ءُ جنجالاں ھلاس کنگئِ ھاترئَ یوریا کھدانی نیادئِ تہا باز کمی کنگئِ جار جتگ کہ ایشیئَ چہ دھکاناں باز پاھدگ رسیت۔ رانا تنویر حسین ئَ گیش گشتگ کہ کشتءُ کشاری ملکی معیشتئِ تہا مزنیں ارزشتے دارایت ءُ مہ اے پڑئَ را ڈلگ چار کت نہ کن اَنت۔ آئی ئَ گشتگ کہ انوگیں حکومت ئِ پالیسی آں چہ ملکی معیشت گیش مھکم بیت۔
