واشنگٹن۔06جون ( اے پی پی) امریکہ ئَ رمضان المبارک ئِ ماھ گندگ بوتگ کہ ایشی ئَ چہ پد امریکہ ئَ نندوکیں پاکستانی آں ھوار مسلمان آں مسیتاں تراویح ونتگ وھدے امریکی صدر براک اوباما ئَ امریکہ ءُ سرجمیں دگنیا ئِ مسلمان آں رمضان ءِ ماھئِ بندات بوھگئِ سرئَ مراد بات ئِ کلو ھ داتگ۔ ھال در ئِ رپورٹ ئِ گشگ بوتگ کہ براک اوبانا ئَ وتی کلوھئِ تہا گشتگ کہ امریکہ ئَ نندوکیں مسلمان یک مقدسے ماھے گوازینگ ئَ اَنت منءَ اے ےاتئَ گیج ایت کہ مہ یک امریکی ھاندانے اَنت۔ آئی ئَ گشتگ کہ اے ماھ بازیں مردماناں یکوئی، پہیلی ، سگ ءُ اوپار ءُ نیزگاریں مردمانی سرئَ دلگوشی کنگئِ موھئَ دنت۔ آئیئَ گشتگ کہ مہ مارا بھرکنگ ئِ ، مے مذہبی یا شہری آزادیئَ را کم کنوکیں مردمانی نہ منگئِ ھاترئَ مسلمان براتی ئِ گوما گون اَنت۔ امریکی صدرئَ گشتگ کہ اے یک انچیں ماھے کہ مسلمان وتی ھاندان ءُ ھمسائگانی ھمرائیئَ دبّوج ئِ وھدئَ یک جاھ بنت ءُ اِد ئَ امریکہ ئَ یک مسلمان براتی اِت، کہ اِدئَ ڈاکٹر، وکیل ، راھ بر ، سائنسدان، کمیونٹی ئِ منتظمین، سرکاری ملازم ءُ فوج ئِ مردم ھمک بیگاھ یک جاھ بنتءُ دبّوج کن اَنت۔ آئی ئَ وتی کلوھئِ تہا گیش گشتگ کہ اے ماھئَ ما اے لکھاں مردماں بے ھال نہ کن اَنت کہ سرجمیں دگنیائَ جیڑھءُ جنجالانی سببئَ بے لوگ بوتگ اَنت۔ آئیئِ گشگ بوتگ کہ بازیں مسلمان اے سال ئَ وتی لوگئَ چُکانی گوما رمضانءُ اعید کُت نہ کن اَنت مارا اے مردمان پریشانی ھلاس کنگئِ ھاترئَ یک جاھ بوھگءُ کار کنگ لوٹ ایت، اے شرپ مندیں ماھ مارا بنی آدم ءِ شرپ کنگ ئِ ترانگئَ گیج ایت۔
