اسلام آباد۔6جون (اے پی پی) بُنجاھی وزیر برائے آپ ئُُ توان خواجہ محد آصف ئَ گوشتگ کہ ماھ ئِ رمضان ئَ دبوج ئُُ سھور ئِ وھد ئَ لوڈشیڈنگ کنگ نہ بیت۔ ریڈیو پاکستان ئَ گوں تران کنان ئَ آئی ئَ گوشت کہ ملک ئَ تُرندیں گرمی ئَ ابید بے ھال دیگ ئِ لوڈشیڈنگ اِچ جاھ ئَ کنگ نہ بوھگ ئَ اِنت۔ آئی ئَ گوشت کہ سرجمیں ملک ئَ ماھ ئِ رمضان ئَ دبوج ئُُ سھور ئِ وھد ئَ لوڈشیڈنگ کنگ نہ بیت۔ آئی ئَ گوشت کہ ملک ئَ توان ئِ شارٹ فال کم بوتگ ایش 4ھزار واٹس ئَ اتکگ سر بوتگ۔ آئی ئَ گوشت کہ حکومت ئَ لھتیں گران بھائیں توان جوڑ کنوکیں گس بند کتگ بوتگ اَنت، اگاں رمضان المبارک ئِ ماھ ئَ توان ئِ ذلورت گیش بوت گڈا بن کتگیں توان گس چالو کنگ بنت۔ بُنجاھی وزیر ئَ گوشت کہ صوبہ ئِ خیبر پختونخوا ئَ سدانی کساس ئَ ٰفیڈر اَنچیں اَست کہ آھودا لوڈشیڈنگ بِلکُل اِچ کنگ نہ بوھگ ئَ اِنت۔
