ژوب ۔ 05جون ( اے پی پی) رمضان المبارک ئِ ماھئَ کسئَ را مال چیر اندری مُچ کنگءُ گران بہاھیءِ موکل دیئگ نہ بیت، دکاندار ٹھینتگیں نیاد نامہئَ را پدرّیں جاھے ئَ بہ ٹنگ اَنت۔ نیاد نامہ ءِ ھلاپ ورزی کنوکانی گوما ھچ وڑیں رعایت کنگ نہ بیت۔ اے ھیالانی درشانی ڈپٹی کمشنر ژوب محمد عظیم کاکڑئَ صحافی آنی گوما گپ ءُ تران کنان ئَ کتگ آئی ئَ گشتگ کہ رمضا ن المبارک ءِ ماھ ئَ گران بہائُ چیر اندری مال مُچ کنوکانی ھلاپ ئَ ترندیں کاروائی کنگ بیت۔ رمضان المبارک یک برکت والائیں ماھ اِت اے ماھئَ گران بہاھی کنگ مہ بیت۔ آئیئَ گشتگ کہ ضلعی پرائس کنٹرول کمیٹیئِ نیمگئَ چہ شنگ کتگیں نیاد نامہ ئَ را دکاندار وتی دکاناں پدرّیں جاھے ئَ بہ ٹنگ اَنت۔ ھلاپ وری کنوکانی ھلاپ ئَ ترندیں کاروائی کنگ بیت۔ رمضان المبارک ئَ نیاداں ھرروچگیں بُنیاتئَ تپاسگ بیت اے ھوالگ ئَ آ وت بازارانی ترءُ تاب ئَ کنت وھدے کہ ضلعی انتظامیہ ئَ را ھم ھاسیں ہدایت جاری کنگ بوتگ۔ آئی ئَ گشتگ کہ ملاوٹ کنوک ھچ وڑئَ پہیل کنگ نہ بنت۔ دکاندار جانءُ سلامتی ءِ رھبندانی ھیال داری ئَ بہ کن اَنت۔ گوشت ئِ دکادار جالی بہ جن اَنتءُ دکانانی سپائیئِ ھیال ئَ بہ کن اَنت۔ آئیئَ گشتگ کہ نیاد نامہ ئِ گوما جان ءُ سلامتی ئِ رھبندانی سرئَ عمل نہ کنوکاں مزنیں ملامءُکیزئِ سزا دیئگ بیت۔
