لاہور۔05جون ( اے پی پی) لاہور ئِ جنرل سیکرٹری ءُ پنجاپ اسمبلی ءِ باسک خواجہ عمران نذیر ئَ گشتگ کہ پی ٹی آئی ئِ ایجنڈا ئِ ھوالگ ئَ نوں ھمک پاکستانی سرپد بوتگ ءُ زوت آئی ئِ سیاستئِ چِہتک پتاھگ بوھگ ئَ اِنت ، پنجاپ حکومت آﺅکیں بجٹ ئِ تہا سئے چیز وانگءُ زانگ، جان ءُ سلامتی ءُ ورگی ساپیں آپئِ سرئَ دلگوشی دنت، اُلسئِ جیڑھءُ جنجالاں گیش ءُ گیوار کنگ نہ تنا مے منشور ئِ بھر اِنت بلکیں مے فرض اِنت۔ اے ھیالانی درشانی آئی ئَ گوستگیں روچئَ وتی حلقہ ئِ تہا ھندی رھشون ءُ کارکن آں گوں گپءُ تران کنان ئَ کتگ۔ آئیئَ گشتگ کہ حاجی آں پولوک ءُ وروک مرچی کرپشن ئِ ھلاپئَ گپ کنگئَ اَنت، پی ٹی آئی ءُ دگہ اپوزیشن گلاں سرپد بوھگ لوٹ ایت کہ ناچ ءُ صحبتءُ چنگءُ سروزاں چہ اُلسئِ جیڑھءُ جنجال ھلاس نہ بنت، ن لیگ ءِ حکومت ئَ را معاشی بدھالی دیئگ بوتگ بلے پدا ھم ایشی ئِ تہا جوانی آرگ بوتگ ،آئی ئَ گشتگ کہ ن لیگ ئِ حکومت پاکستانئَ را انچیں ملکے جوڑ کنگئَ اِنت کہ کدی بجلیئِ لوڈ شیڈنگ مہ بیت ، آئیئَ گشتگ کہ مے ملکئِ تہا اے وڑیں چیز نیست کہ شر مہ بیت۔
