اسلام آباد۔05جون ( اے پی پی) بے نظیرانکم سپورٹ پروگرام ( بی آئی ایس پی) ئِ چیئرپرسن ماروی میمن ئَ گشتگ کہ آﺅکیں مالی سال 2016-17ئِ بجٹ ئَ چاگر ئِ نیزگاریں ءُ پدمنتگیں تبک ئِ ھاترئَ فنڈآنی تہا گیشی کنگ بوتگ تنکہ چاگردی تحفظ کنگ بہ بیت، بجٹ ئِ تہا کشتءُ کشاری ئِ شعبہ ئِ دیم روئی ءُ کم ئَ چہ کم روز ئِ ھوالگئَ ھم ھاسیں پیسلہ کنگ بوتگ اَنت۔ ” اے پی پی“ ئَ گوما گپ ءُ تران کنان ئَ آئیئَ گشتگ کہ پی آئی ایس پی ءِ ھاترئَ115ارب کلدار ءُ پاکستان بیت المال ئِ ھاترئَ 4ارب کلدار ءِ فنڈ ایر کنگ بوتگ اَنت ءُ وھدے ملازم آنی پگارانی تہاھم 10درسد ئِ گیشی کنگ بوتگ کہ ایشیئَ چہ لس مھلوک ئِ زند گہتر بنت۔ آئیئَ گشتگ کہ کشتءُ کشاری ئِ شعبہ ئِ ھاترئَ منڈیاں سر بوھگئَ را المّ کنگ ئِ ھاترئَ دگانی نظامئَ را پراھ ءُ شاھگان کنگئِ پیسلہ کنگ بوتگ ءُ ھمے وڑئَ صنعتی مصنوعاتئِ منڈیاں وھدئِ سرئَ سربوھگ ئَ ھم ملکی معیشتئِ سرئَ جوانیں اثر کپیت۔ آئیئَ گشتگ کہ حکومت ئِ ٹیکس نادیﺅکانی سرئَ گیشیں ٹیکس جنگ ئِ پیسلہ ھم جوا ن اِنت۔
