فیصل آباد۔05جون (اے پی پی) نامداریں فلکیات زانت پروفیسر محمد حمزہ نعیم ئَ پیش گوئی کتگ کہ رمضان المبارک ئِ ماھ 06جونئَ دوشمبے ءِ روچئَ گندگ بیت وھدے کہ اولی روچگی 07جون ئَ سئے شمبے ئِ روچئَ بیت ءُ توحید ئِ پُھسگ 30روچگاں پد یکم شوال 07جولائی ئَ پنچ شمبے ئِ روچئَ کسانیں اعید بیت۔ اے پی پیئِ گوما گپ ءُ ترا ن ئِ وھدئَ آئی ئَ ھال داتگ کہ نوکیں ماھئِ پیدائش 05جون یک شمبے ءِ روچئَ سھبئِ 8بج ءُ 7ملنٹ ئَ بوتگ ھمے ھاترئَ مگرب ئِ نمازءِ وھدئَ آئیئِ طبعی اُمبر11کلاک 25ملنٹ بوھگئِ سببئَ گندگ نہ بوتگ چیاکہ ماھ ءِ گندگئِ ھاترئَ آئیئِ کم چہ کم طبعی 20کلاک ئُ مگرب ئِ نماز ئِ وھدئَ آزمان ئَ آئی ئِ ساڑی بوھگئِ وھد50ملنٹ بوھگ المّی اِنت۔ آئی ئَ ھال داتگ کہ شش جون دوشمبےئِ روچئِ بیگاھ ئَ نوکیں ماھ ءِ اُمبر 35کلاک18ملنٹءُ آزمانئَ آئی ئِ ساڑی بوھگئِ وھد76ملنٹ بیت کراچی چہ خیبر ئَ ملک ئِ بازیں دمگاں ارزانی ئِ گوما گند گ بیت۔ آئی ئَ ھال داتگ کہ رمضان المبارک ئِ ماھ 30روچگی بنت کہ ایشی ئِ سببئَ شوال ئِ ماھ 6جولائیئَ چارشمبے ئِ روچئِ بیگاھ ئَ گندگ بیت ھمے وڑئَ توحید ئِ پُھسگ یکم شوال ئَ 07جولائی ئَ پنچ شمبے ءِ روچئَ اعید کن اَنت۔
