ماسکو۔05جون ( اے پی پی) شام ئَ گوستگیں 24کلاکانی تہا ناشرکاریں گلاں بازیں شہرآنی سرئَ اُرش کتگ کہ ایشی ئِ نتیجگ ئَ بازیں مردمے بیران ءُ بازینے ٹپیگ بوتگ۔ اسپوٹینگ نیوز ایجنسی ءِ رپورٹ ئِ تہا روس ئِ وزارت دیمپانی ئَ جار جتگ کہ شام ئِ بازیں شہرآں ناشرکارانی اُرشاں گوستگیں 24کلاکانی تہا 270ئَ چہ گیش شہری کُشگ بوتگ اَنت ءُ ناشرکارانی اُرشئَ بازینے ٹپیگ بوتگ اَنت ۔ شامئِ پدمنتگی مارچ2011ئَ بندات بوتگ کہ ایشی ئِ نتیجگئَ تاں انوں لکھاں مردم بیران بوتگ اَنت ۔ شام ئِ 5سالا پدمنتگی ئِ نتیجگئَ تاں انوں لکھاں شامی مردم بے لوگ بوتگ اَنت۔
