اسلام آباد۔ 04جون ( اے پی پی) بنجاہی وزیر خزانہ اسحاق ڈارئَ گشتگ انت کہ آﺅکیں مالی سال ئِ بنجاہی بجٹ ئَ کشت ئُُ کشار شعبہ ئِ سرا ھاسیں دیان دئیگ ئَ انت ئُُ کشت ئُُ کشار کنوکیں برات آنی مشکل آنی ھلاس کنگئِ کوشست انت تنکہ کشت ئُُ کشاری شعبہ، سرجمیں راجی پیداوار ئَ وتی شریں بہر مان کرت کن انت۔ آئی ئَ اے گپ ہفتگ ئَ آ ادا پد از بجٹ پریس کانفرنس ئَ تران کنگ ئَ گشتگ۔ وزیر خزانہ ئَ گشتگ کہ کشت ئُُ کشاری شعبہ ئَ کھاد ئِ قیمت آں کمی، کشت ئُُ کشاری ٹیوب ویل آنی ھاتر ئَ توان ئِ رعایتی نرخ، زرعی وام آں اضافہ، ڈیرہ لائیو سٹاک ئُُ پولٹری ئِ شعبہ ئَ کسٹم ڈیوٹی ئِ سرا رعایت ئِ ھواری ئَ لہتیں گام گیج کنگ ئَ انت۔ آئی ئَ گشتگ کہ یوریا کھاد ئِ قیمت 400کلدار یک بوری کم کنگ ئَ انت چوشکہ ڈی اے پی کھاد ئِ قیمت ئَ ہم 2500ئِ سرا آرگ ئِ پیسلہ کرتگ انت۔ آئی ئَ گشتگ کہ کشت ئُُ کشاری ٹیوب ویل آنی ھاتر ئَ آف پیک ئِ وھد ئَ ریٹ ئَ 5کلدار 35زر یک یونٹ کنگ ئَ انت۔
