اسلام آباد۔ 04جون ( اے پی پی ) بنجاہی وزیر خزانہ محمد اسحاق ڈار ئَ گشتگ انت کہ آپریشن ضرب عضب سر سوبی ئِ گوں برجاہ ئُُ نوں آھری وھد ئَ انت آئی ئِ سرا فوج پاکستان مبارکباتی ئِ ھق دار انت۔ آپریشن ضرب عضب ئَ سر سوبی ئَ ملک ئَ محکم، سرمایہ کاری ئَ شریں ئُُ نا شرکاری ئِ ھلاپ جنگ ئَ بوﺅکیں اقتصادی تاوان کم کنگ ئَ کمک بہ رسیت۔ آئی ئَ اے گپ ہفتگ ئَ پد از بجٹ پریس کانفرنس ئَ تران کنگ ئَ کرتگ۔ وزیر خزانہ ئَ گشتگ کہ نا شرکاری ئِ ھلاپ جنگ ئِ پڑ ئَ پاکستان ئَ 118ارب ڈالر ئِ تاوان زورگ بوتگ۔ 9/11ئَ پد اے وھد ئَ سروک آں یک ٹیلی فون کال ئِ سرا مچھ سرنڈر کرت انت چوشکہ دگنیا ئَ عہد گرگ لوٹگی ات کہ نا شرکاری ئَ برجاہ جنگ ئِ وجہ ئَ پاکستان ئَ بوﺅکیں معاشی تاوان پورا کنگ بیت۔ آئی ئَ گشتگ کہ نوں آپریشن ضرب عضب ئِ آسر ئَ سر سوبی رسگ ئَ انت۔ اے آپریشن چنکس زیات سر سوب بیت ملک ئَ اینکس زیات محکمی کیت۔ سرمایہ کاری ئَ شریں کیت ئُُ نا شرکاری ئِ ھلاپ جنگ ئِ وجہ ئَ بوﺅکیں اقتصادی تاوان کم بیت۔
