پاکستان اے دہ ملک آں ھوار انت کہ آ موسمیاتی بدلی ئَ دو چار انت، ھاسیں گہتری گام گیج کن انت، وزیر خزانہ

اسلام آباد۔ 3جون ( اے پی پی) بنجاہی وزیر خزانہ سینیٹرمحمد اسحاق ڈٓر ئَ وتی بجٹ تقریر ئَ گشتگ کہ پاکستان اے دہ ملک آں ھوار انت کہ آ ھار، ھور ئِ وھد کار ئَ بدلی ئُُ گرمی ئِ سکی ئِ وجہ ئَ موسمیاتی بدلی ئَ دو چار انت آئی ئِ وجہ ئَ گوستگیں لہتیں سال آنی وھد ئَ ملک ئَ جانی ئُُ مالی تاوانئِ دیمپانی کنگ بیت انت آئی ئَ گشتگ کہ چاگردی بدلی ئِ چیلنج آنی دیمپانی ئِ ھاتر ئَ ھاسیں گہتری گام گیج کنگ بیت۔ وزیر خزانہ ئَ گشتگ کہ حکومت موسمیاتی تغیر مالیاتی ڈھانچہ وضع کنگ ئَ انت تنکہ موسمیاتی بدلی ئِ ھوالہ ئَ حکومت ئِ ذمہ واری ئِ عکاسی بیت۔ آئی ئَ گشتگ کہ موسمیاتی بدلی ئِ ھرچ ئُُ درچ ئِ سرا چم ایر کنگ ئِ ھاتر ئَ یک کوڈنگ میکانزم ہم وضع کنگ ئَ انت کہ آ موسمیاتی بدلی ئِ سرا پالیسی ساز ئَ شر ئُُ یک وھد ئَ پیسلہ کنگ ئَ کمک بہ دنت۔ آئی ئَ گشتگ کہ وزارت خزانہ ئُُ موسمی تغیر ڈویژن اے گہتری ئِ سروکی بیت ئُُ بنجاہی وزارت/ڈویژن آں ہم ایشی ئَ ھوار کنگ بیت کہ آ یکجا ھواریں موسمیاتی بدلی ئِ ھوالہ ئَ گام گیج کن انت۔