واشنگٹن ڈی سی۔25جولائی (اے پی پی): پاکستان ءِ نائب مزن وزیر ءُ درئی کارانی وزیر سینیٹر محمد اسحاق ڈار گوستگیں شپ ءَ واشنگٹن ڈی سی ءَ سر بوتگ اودا آئی ءَ را امریکہ ءَ پاکستان ءِ سفیر رضوان سعید شیخ ءُ سفارت خانہ ءِ ایندگر مزنیں کارندہ آنی نیمگ ءَ وش آتک کنگ بوتگ۔ درئی کارانی کارگس ءِ جارچین ءِ نیمگ ءَ جاڑی بوتگیں بیان ءِ رد ءَ نائب مزن وزیر ءُ درئی کارانی وزیر مرچی (جمعہ) ءَ امریکی وزیر ءِ درئی کار مارکو روبیو ءَ گوں گند ءُ نند کنت۔ گند ءُ نند ءَ پاک امریکہ ءِ سیادی ءِ ھاسیں تک ءُ پھنات آنی سر ءَ گپ ءُ تران کنگ بیت، ایشی ءِ تہ ءَ دوئیں ملک آنی نیام ءَ تجارتی، سرمایہ کاری ءُ اقتصادی کمک ءَ را دیمروئی دیگ ءِ راہ آنی سر ءَ ھاسیں دلگوشی دیگ بیت۔ ایشی ءَ ابید دری کارانی وزیر اسحاق ڈار امریکی تھنک ٹینک ’’دی اٹلانٹک کونسل‘‘ ءَ ھم گوں تران کنت کہ اودا آ دمگی ءُ جھان ءِ جیڈھ ءُ پاک امریکہ ءِ سیادی ءِ آیوکیں وھد ءِ سر ءَ پاکستان ءِ لیکہ ء ِ سر ءَ چمشانک دنت۔
