نوم پنہ۔24جولائی (اے پی پی): کمبوڈیا ءِ مزن وزیر ہن مانیٹ ءَ تھائی لینڈ ءِ گوما سیم سر ءِ ٹکر ءِ وھد ءَ الس ءَ را سکون ءِ دارگ ءُ حکومت ءُ سلاہ بندیں اُرد ءِ سر ءَ بھروسہ کنگ ءِ لوٹ کتگ۔ آئی ءَ پنچ شمبے ءِ روچ ءَ وتی سرکاری سوشل میڈیا اکاؤنٹس ءِ سر ءَ نبشتگیں پوسٹ ءِ تہ ءَ گوشت کہ پنچ شمبے ءِ روچ ءَ سھب ءَ تھائی فوج ءَ اوڈار مینچے صوبگ ءَ کمبوڈیا ءِ فوج ءِ پوسٹ آنی سر ءَ اُرش کتگ ءُ پد ءَ پریا ویرات صوبہ ءَ ھم وتی اُرش ءَ را گیش کتگ۔ آئی ءَ گوشت کہ کمبوڈیا ءَ مدام امن ءُ ایمنی ءِ وسیلگ ءَ جیڈھ آناں گیش ءُ گیوار کنگ ءِ وتی موقف برجاہ داشتگ بلے اے جاور ھال ءَ مارا سلاہ بندیں زوراکی ءِ پسو ءَ سلاہ بندیں زور ءَ گوں دیگ ءَ ابید دگہ راہ نیست۔
