نیویارک۔24جولائی (اے پی پی): پاکستان ءِ نائب مزن وزیر ءُ درئی کارانی وزیر سینیٹر محمد اسحاق ڈار ءَ نیویارک ءَ نامداریں سرمایہ کار، بینکنگ ءُ آئی ٹی ءِ پیشہ ور آنی گوما گند ءُ نند کتگ ءُ ھاسیں سرمایہ کاری کونسل ءِ چیر دستی ءَ کشت ءُ کشاری، آئی ٹی، اشکر ءِ چات ءَ کار کنوک، توانائی ءُ دفاع ءِ شوبگ آنی تہ ءَ کنگ بوھوکیں اصلاحات آنی سر ءَ چمشانک داتگ۔ پنچ شمبے ءِ روچ ءَ درئی کارانی کارگس ءِ جارکش ءِ نیمگ ءَ جاڑی بوتگیں بیان ءِ رد ءَ آئی ءَ پاکستان ءِ گہتری ءِ میکرو اکنامک اشارہ آنی سر ءَ زور پر دات، ایشی ءِ تہ ءَ 14سال ءِ تہ ءَ اولی رند ءَ کرنٹ اکاؤنٹ سرپلس، افراط زر ءِ تہ ءَ کمی ءُ میاں اوستمانی ادارگ آنی نیمگ ءَ ملک ءِ کریڈٹ ریٹنگ ءِ تہ ءَ گہتری ھوار اِنت۔ آئی ءَ ھاسیں سرمایہ کاری ءِ آسراتی کونسل ءِ چیر دستی ءَ کشت ءُ کشار، آئی ٹی، اشکر ءِ چات ءَ کار کنوک، توانائی ءُ بنیاتی ڈھانچگ ءِ شوبگ آنی تہ ءَ کنگ بوھوکیں اصلاحات آنی سر ءَ ھم زور پر دات۔ نائب مزن وزیر ءَ اقتصادی دیمروئی ءِ تہ ءَ فنانس، بینکنگ ءُ آئی ٹی ءِ شوبگ آنی کرد ءِ سر ءَ زور پر دیان ءَ پاکستان ءَ را فن ٹیک، انفراسٹرکچر، پائیدار فنانس، اثاثہ آنی ڈیجیٹلائزیشن، ءُ ڈیٹا بینکنگ ءِ تہ ءَ ھما موہ آنی بابت ءَ گپ جت۔ آئی ءَ اے ایم ایل / سی ایف ٹی ءِ سر ءَ جاری اصلاحات، ترندیں ڈیجیٹلائزیشن، ءُ اے ایم ایل / سی ایف ٹی ءِ سر ءَ عمل درآمد ءِ سر ءَ ھم زور پر دات کہ ایشی ءَ چہ سرمایہ کار آنی اعتماد ءَ را گیش کنگ بوھگ ءَ اِنت۔ اے موہ ءِ سر ءَ مورگن اسٹینلے، بینک آف امریکہ، بی این پی پریباس، جے پی مورگن، ءُ گولڈ مین سیکس ءِ وڑیں نامداریں ادارگ آنی بھر زوروکاں پاکستان ءِ سرمایہ کاری ءِ ندارگ ءِ سر ءَ بے دروریں گپ ءُ تران کتگ۔ آئی ءَ نجی شعبہ ءِ سروکی ءَ گامگیج آناں دیمروئی دیگ ءِ تہ ءَ وتی سک باز دلگوشی ءِ درشانی کت کہ پاکستان ءِ دیمروئی ءَ کمک کن اَنت ءُ پاکستان ءُ امریکہ ءِ نیام ءَ اقتصادی سیادی ءَ را مھکم کنگ ءِ ھوالگ ءَ وتی ھیال ءُ لیکہ آنی تہ ءَ شیئر کت۔
