اسلام آباد۔ 3جون ( اے پی پی) سپیشل جج سنٹرل اسلام آباد ملک نذیر ئَ حج کرپشن کیس ئَ گوست وزیر مذہبی امور حامد سعید کاظمی ئُُ ایڈیشنل سیکرٹری مذہبی امور آفتاب اسلام راجہ ئَ شانزدہ شانزدہ سال قید چوشکہ گوست ڈی جی حج راﺅ شکیل ئَ چِل سال قید ئُُ جرمانہ ئِ سزا ئِ حکم اُشکنانئینت انت۔ امید گِسی پیسلہ ئَ پد سے ملزم آں احاطہ امید گِس ئَ دست گیر کرتگ انت ۔ گوست وزیر مذہبی امور حامد سعید کاظمی ئَ حج کرپشن کیس ئَ 16سال قید ئُُ 83لکھ کلدار جرمانہ گوست ڈی جی حج راﺅ شکیل ئَ 40سال قید ئُُ 14کروڑ کلدار جرمانہ چوشکہ گوست ایڈیشنل سیکرٹری مذہبی امور آفتاب اسلام راجہ ئَ شانزدہ سال قید ئُُ چانڑدہ کروڑ کلدار جرمانہ ئِ سزا اُشکنائینت انت۔ امید گِس ئَ 81صفحہ آں ھوار نبشتانکی پیسلہ برجاہ کرتگ انت۔ا سپیشل حج سینٹرل ملک نذیر احمد ئَ پیسلہ نبشتہ کرتگ انت سےئیں ملزم ئُُ 56گواہ آنی نبشتانکی بیان پیسلہ ئِ بہر انت۔ امید گِس پیسلہ ئِ ردا ملزم آں حج ئِ نام ئَ کرپشنئِ بد تریں مثال جوڑ کرتگ انت۔ ملزم ئَ فراڈ ئِ نوکیں وڑ پیداک کرتگ۔ اللہ ئِ مہمان آں زر جمع کنگ ئِ ھاتر ئَ ھرابیں کرد پیش داشتگ انت۔ نبشتانکہ پیسلہ ئَ گشتگ انت کہ فراڈ ئَ نہ الما راجی خزانہ ئَ تاوان رستگ بلکں حجاج آنی ھاتر ئَ ہم مشکل پیداک کرت انت۔ حجاج ئَ منی ئَ دھرنا دات انت آھاں ملک ئِ بد نامی بوتگ، ملزم آں سکیں کساس ئِ جرم ئَ اُلس ئِ بھروسہ ئَ پرشتگ۔
