سوات۔ 27 اپریل (اے پی پی):کشمیر ءِ کارانی وفاقی وزیر، گلگت بلتستان ءُ سفرون ءِ انجینئر امیر مقام ءَ گشتگ کہ خیبر پختونخوا ءِ مہلوک وتی فوج ءِ کش ءَ اوشتاتگ انت، پختون وتی وطن ءِ رکھینگ ءِ ھاتر ءَ دیم ءَ اوشتاتگ انت، بھارت ءِ بیان ءِ رد ءَ سندھ ءِ آپانی میاں اوستمانی معاہدہ ءِ ھلاس کنگ ءِ ھاتر ءَ انت یک نیمگی رنگ ءَ ما بھارت ءِ ھرچ ھترہ ءُ سازش ءِ لائکیں پسو دیگ ءَ تیار ایں، پاکستان مسلم لیگ ءِ سروکی ءَ مدام سیاست ءِ سر ءَ ملک ءِ مفاداں اولیت داتگ۔ سوات ءَ لس مچی ءَ گوں گشتانک دیان ءَ پاکستان مسلم لیگ ءِ صدر خیبر پختونخوا انجینئر امیر مقام ءَ گوشت کہ مرچی مچی ءَ ھزاراں مردم آنی بھر زوری ءِ واستہ ادا سروکی ءَ را شگر ءُ منت وار آں ۔ من درجناں ھاندان ءُ آھانی کھول ءَ را پاکستان مسلم لیگ ءِ تہ ءَ ھوار بوھگ ءِ مبارک بات دیان آں ءُ آھاں پارٹی ءِ تہ ءَ وش اتک کن آں ۔ وفاقی وزیر ءَ گوشت کہ مٹا سوات ءِ تہ ءَ مرچی ھما بدلی ءِ ھور کپتگ انشاءاللہ سرجمیں صوبہ ءَ شنگ ءُ تالان بیت ءُ انقلاب ءِ سبب جوڑ بیت۔ آئی ءَ گوشت کہ مرچی سوات ءَ ھما گیس ءِ پائپ است انت ایشی ءِ سبب پاکستان مسلم لیگ ن اِنت ۔ سوات ءَ گریڈ اسٹیشن آنی جوڑ کنگ ھم پاکستان مسلم لیگ ءِ یک سوبمندی یے ۔ پیسریگیں سر وزیر ءَ سیکشن فور ءِ ھلاس کتگ ات کہ ادا مٹا ءَ گریڈ اسٹیشن ءِ جوڑ کنگ ءِ ھاترا ایر کنگ بوتگ ات۔ وفاقی وزیر انجینئر امیر مقام ءَ گوشت کہ خیبر پختونخوا ءِ الس ءُ پیسریگیں فاٹا ءِ الس ءَ گوستگیں وھد ءَ پاکستان ءِ رکھینگ ءَ دیم ءِ لیکہ ءِ کرد پیلو کتگ ات ءُ سرجمیں پختون انگت ءَ وتی وطن ءِ رکھینگ ءَ دیم ءِ لیکہ ءِ تہ ءَ اوشتات کن اَنت۔ آئی ءَ گوشت کہ پٹ ءُ پول ءُ پٹ ءُ پول ءَ ابید بھارت ءِ نیمگ ءَ پاکستان ءِ سر ءَ ایر کنگ بوتگیں بہتام آناں سک مذمت کناں۔ ما 5اگست 2019 ءَ کشمیر ءِ جاور ھال ءِ بدلی ءَ را منّگ ءَ نہ ایں ءُ منّگ ءَ نہ ایں، وفاقی وزیر ءَ گوشت کہ سندھ ءِ آپانی معاہدہ ءِ ھلاس کنگ ءِ بھارت ءِ بیان احمقانہ اِنت۔ اے یک میان استمانی معاہدے یے ءُ یک نیمگی ءَ ھلاس کنگ نہ بیت۔ انجینئر امیر مقام ءَ گشتگ کہ خیبر پختونخوا ءِ مہلوک وتی فوج ءِ گوما اوشتاتگ انت ۔ آئی ءَ گوشت کہ 28 مئی ءَ ایٹمی تراک کنوک آں مرچی ھم اود ءَ است انت ءُ پاک فوج ھم اوست انت۔ ما ترا ھما وڑ ءَ پسو دئیں کہ ما 28 مئی ءَ تئی ایٹمی تراک ءِ پسو داتگ ات اگاں تو انسانیت ءِ گپ ءَ بہ کن ئے گڑا تو مردماں کلبھوشن جادھو ءِ دزگیر کنگ ءِ بابت ءَ یک گپے ھم نہ جتگ۔ بھارت نہ ایوک ءَ پاکستان ءَ بلکیں سرجمیں دگنیا ءَ ناشرکاری ءِ تہ ءَ ھوار گندگ بوتگ۔ وفاقی وزیر ءَ گوشت کہ آ مئے سر ءَ زور دیگ ءِ کوشست ءَ اَنت کہ پاکستانی حکومت ءُ الس ءَ چہ کشمیر ءِ حمایت ءَ در بہ کن اِت بلے ما گوستگیں روچ ءَ کشمیری آنی گوما اوشتاتگ ایں، مرچی ھم گوں آھاں اوشتاتگیں، ءُ باندا ھم آھانی گوما اوشتاتگیں۔ آئی ءَ گوشت کہ پاکستان ءَ نواز شریف ءِ پارٹی انگت ءَ اقتدار ءَ اِنت، ما بھارت ءِ ھرچ دھمکی ءُ سازش ءِ لائکیں پسو دیگ ءَ تیار ایں ۔ انجینئر امیر مقام ءَ گشتگ تحریک انصاف ءِ ایجنڈا ملک ءَ پروشگ انت ۔ نوں لس مھلوک ءَ سرپد بوتگ ءُ مار اِتگ کہ پاکستان ءَ کئے دیمروی دیگ ءَ اَنت ءُ کئے پاکستان ءَ تباھی ءِ نیمگ ءَ برگ ءَ اَنت۔ مئے استان ءِ ورنا ہم ہما مردمانی بابت ءَ راستی ءَ زانتگ انت کہ آہاں اے استان ءَ دوازدہ سال حاکم کتگ انت۔ اے نوں پاکستان مسلم لیگ (ن) ءِ نیمگ ءَ پیداک اَنت۔ وفاقی وزیر ءَ گوشت کہ یک سال ءِ تہ ءَ شہباز شریف ءِ سروکی ءَ ملک ءِ دیوالیہ معیشت یک رندے پدا دیمروئی ءِ راہ ءَ رھادگ بوتگ، افراط زر ءِ شرح 40درسد ءَ چہ یک ءُ نیم درسد ءَ اتکگ۔ پاکستان مسلم لیگ نواز ءِ سروکی ءَ مُدام سیاست ءَ چہ ملک ءِ نپ دیم ءَ داتگ اَنت۔ وفاقی وزیر انجینئر امیر مقام ءَ گوشت کہ من ءَ باز رند ءَ اُرش کنگ بوتگ بلے ایشی ءِ باوجود من میدان ءَ اوشتاتگ آں ءُ مدام مظلوم آنی کمک کتگ۔ ھر جاگہ کہ کسے ءَ گوں بدکاری کنگ بیت من ھم گوں آئی ءَ اوشتاتگ آں. آئی ءَ گوشت کہ ما ناشرکاری بہ بیت، سیلاب بہ بیت یا زمین چنڈ بہ بیت ھرچ مشکل ءَ وتی الس آنی کمک کتگ ءُ آیوکیں وھد ءَ ھم ھمے رنگ ءَ کن ایں ۔
