اسلام آباد۔27اپریل (اے پی پی):وفاقی وزیر دفاع خواجہ محمد آصف ءَ گوشت کہ سرجمیں پاکستان وتی سلاہ بندیں اُرد ءِ گوما یکجا اِنت ءُ مودی سرکار ءَ را ھما رنگ ءَ مھکمیں پسو دیگ بیت چوش کہ ما پلوامہ ءِ وئیل ءَ داتگ۔ یک شمبے ءِ روچ ءَ یک انٹرویو ءِ تہ ءَ خواجہ آصف ءَ اے گپ ءِ سر ءَ زور پر دات کہ راج وتی سلاہ بندیں اُرد ءِ گوما یکجا اِنت ءُ ھرچ وڑیں زوراکی ءِ ھلاپ ءَ مھکمیں موقف ءِ زورگ ءَ اِنت۔ آئی ءَ ھشدار داتگ کہ دوئیں ایٹمی طاقتانی نیام ءَ ٹکر ءِ سبب ءَ دمگی ءُ جھان ءِ امن ءِ واستہ مزنیں ھترہ جوڑ بیت۔ خواجہ محمد آصف ءَ گیش کرتگ کہ اے معاملہ میان استمانی براتی ءِ دیم ءَ آرگ بوتگ کہ بوت کنت پٹ ءُ پول بندات کنگ بہ بیت۔ آئی ءَ گیش گوشت کہ اگاں مودی ءَ کش ءُ چیل ءَ را گیش کنگ ءِ گچین کت گڈا ما آئی ءِ پد ءَ لوگ ءَ رو ایں ۔ آئی ءَ گوشت کہ مودی دروگیں پروپیگنڈا ءِ شنگ کنگ ءِ واستہ زانگ بیت، آ ھما پندل آناں پدا کنت کہ پلوامہ ءِ وھد ءَ کارمرد کنگ بوتگ انت بلے پاکستان موثر پسو دیگ ءِ واستہ تیار انت۔ یک جستے ءِ پسو ءَ آئی ءَ بے دروریں رنگ ءَ گوشت کہ پاکستانی راج ءُ سلاھ بندیں اُرد ملک ءِ وت واجھی ءِ رکھینگ ءِ واستہ ساڑی اَنت ءُ اے رھبند ءِ سر ءَ ھچ وڑیں سوگند نہ بیت۔ آئی ءَ پاکستانی میڈیا ءِ ھم توسیپ کت کہ آ ھندی میڈیا ءِ ردیں ھالانی مہم آنی جوانیں رنگ ءَ گر ءُ دار کنگ ءَ انت ءُ راستی ءَ را دیم ءَ آرگ ءَ انت۔ دگہ جُستے ءِ پسو ءَ وفاقی وزیر ءَ گوشت کہ پاکستان وتی ھمساھگیں ملک آنی گوما باقاعدہ رابطہ برجاہ دار ایت۔
