اسلام آباد۔27اپریل (اے پی پی): نائب مزن وزیر ءُ دری کارانی وزیر سینیٹر محمد اسحاق ڈار ءَ سی پیک ءِ مرکزی کمیٹی ءِ پولیٹیکل بیورو ءِ باسک چین ءِ دری کارانی وزیر وانگ یی ءَ گوں ٹیلی فون ءِ سر ءَ گپ ءُ تران کت۔ یک شمبے ءِ روچ ءَ درئی کارانی کارگس ءِ جارکش ءِ نیمگ ءَ جاڑی بوتگیں بیان ءِ رد ءَ اسحاق دار ءَ چین ءِ درئی کارانی وزیر وانگ یی ءَ را دمگی استیں جاور ھال آنی بابت ءَ سرپد کتگ۔ آئی ءَ بھارت ءِ یک نیمگی ءُ ناجائزیں کارروائی ءُ پاکستان ءِ ھلاپ ءَ بے بنیں بھارتی پروپیگنڈا ءَ را ھم سدک رد کتگ۔ چین ءِ برجاھیں ءُ بے دروریں کمک ءِ سر ءَ منت واری ءِ درشان کنان ءَ نائب مزن وزیر ءَ پاک چین ءِ دوستی ءُ ہر موسم ءِ اسٹریٹجک کوآپریٹو شریکداری ءِ یکجائی وژن ءِ سر ءَ پاکستان ءِ مھکمیں عزم ءِ یک رندے پدا گوشت۔ آئی ءَ توامیں شوبگ آنی تہ ءَ دو نیمگی کمک ءَ را گیش گہتر کنگ ءِ واستہ پاکستان ءِ جزم ءِ سر ءَ زور پر دات۔ دوئیں نیمگاں دمگی امن ءُ ایمنی ءِ برجائی، یکے دومی ءِ احترام ءُ مفاہمت ءِ دیمروئی ءُ یک نیمگی ءُ بالادستی پالیشی آنی یکجائی ءَ مخالفت کنگ ءِ واستہ وتی مھکمیں عزم ءِ ھم پدر کت۔ ایشاں اے گپ ءِ سر ءَ ھم تپاک کت کہ آ دمگ ءُ چہ ایشی ءَ دریں دمگاں امن، ایمنی ءُ پائیدار دیمروئی ءِ وتی مشترکہ مول ءُ مراد آناں دیم ءَ برگ ءِ ھاترا ھرچ تک ءُ پھنات ءَ نزیکیں رابطہ ءِ برجائی ءَ بہ کن اَنت۔
