اسلام آباد۔26اپریل (اے پی پی):برطانیہ ءِ ہائی کمشنر ءَ نائب مزن وزیر /درئی کارانی وزیر سینیٹر محمد اسحاق ڈار ءَ گوں گند ءُ نند کتگ ۔ اے موہ ءِ سر ءَ دمگی نوکیں دیمروئی آنی سر ءَ گپ ءُ تران کنگ بوت۔ شمبے ءِ روچ ءَ درئی کارانی کارگس ءِ جارکش ءِ نیمگ ءَ جاڑی بوتگیں بیان ءِ رد ءَ گند ءُ نند ءِ ساھت ءَ دوئیں نیمگ ءَ گوستگیں دمگی دیمروئی آنی سر ءَ گپ ءُ تران کنگ بوتگ۔ برطانیہ ءِ ہائی کمشنر ءَ گوں گپ ءُ تران ءِ ساھت ءَ محمد اسحاق ڈار ءَ پاکستان ءِ راجی مفاد آنی رکھینگ ءِ وھد ءَ دمگی امن ءُ ایمنی ءِ ضمانت دیگ ءِ عزم ءِ پدا زور دات۔
