بنجاہی وزیر خزانہ اسحاق ڈار بنجاہی اسمبلی بجٹ پیش کنت، بجٹ ئَ معاشی جاورال ئِ شر تری، ٹیکس وصولی ئَ زیات، اُلس ئِ معیار زند شر جوڑ کنگ، گرانی ئَ کمی، جان سلامتی، وانگ ئُُ زانگ ، مواصلات ئِ ھواری ئَ لہتیں شعبہ آنی کار ئُُ کرد شر جوڑ کنگئِ ھاتر ئَ گام گیج ئِ جار جنئگ بیت

اسلام آباد۔ 2جون ( اے پی پی) آﺅکیں مالی سال 2016-17ئِ 48کھرب کلدار ئِ بنجاہی بجٹ مرچی جمعہ ئَ پیش کنگ بیت۔ بنجاہی وزیر خزانہ اسحاق ڈار بنجاہی اسمبلی ئَ بجٹ پیش کنت۔ بجٹ ئَ معاشی جاورال ئِ شر تری، ٹیکس گرگ ئَ اضافہ، اُلس ئِ معیار زند شر جوڑ کنگ ، گرانی ئَ کمی، جان سلامتی، وانگ ئُُ زانگ، مواصلات ئِ ھواری ئَ لہتیں شعبہ آنی کار ئُُ کرد شر جوڑ کنگ ئِ ھاتر ئَ گام گیج ئِ جار جنئگ بیت۔ وزارت خزانہ ئِ ذرائع ئِ ردا وزیر خزانہ سینیٹر اسحاق ڈار بجٹ تقریر ئَ مزن وزیر محمد نواز شریف ئِ پنت ئُُ شون ئِ ردا زرعی شعبہ ئِ دیمروی ئُُ زمیندار آنی ھالت شر جوڑ کنگ ئِ ھاتر ئَ لہتیں گام گیج ئِ جار جنت۔ پمگ ئُ برنج ئِ کسانیں زمیندار آنی ھاترئَ زر تلافی دئیگ ئِ ہم تجویز انت۔ یوریا کھاد ئِ قیمت آں کمی ئِ ہم امیت انت چوشکہ زمیندار آنی ھاتر ئَ سولر پمپس دئیگ ئِ ھاتر ئَ زر ایر کنگ ئِ تجویز انت۔ بجٹ ئَ زرعی مشینر ئِ درآمد ئِ سرا ٹیکس ئَ ریلیف دئیگ ، ٹیکسٹائل ئِ برآمدی شعبہ آنی ھاتر ئَ ٹیکس ئَ چھٹارینگ ئِ ھاتر ئَ لہتیں گام گیج ئِ جار جنگ بیت۔ اےشی ئَ ابید سڑک، ریل ئُُ بنیاتی ڈھانچہ ئِ دومی منصوبہ آنی ھاتر ئَ ہم زر ایر کنگ ئِ جار جنئگ بیت۔ آﺅکیں املی سال ئِ بجٹ ئَ سرکاری شعبہ ئِ سالانہ دیمروی پروگرام ئِ حجم کساس 1675ارب کلدار بیت آئی ئَ بنجاہ ئِ بہر 800ارب کلدارئُُ صوبہ آنی بہر 875ارب کلدار بیت۔ بنیاتی ڈھانچہ ئِ دیمروی ئِ منصوبہ ئِ ھاتر ئَ 468ارب کلدار ایر کنگ ءآھاں 157ارب کلدار توان، 260ارب کلدار ٹرانسپورٹ ئُُ مواصلات ، 33ارب کلدار آپ ئُُ 18ارب کلدار فزیکل پلاننگئُُ ہاﺅسنگ ئِ ھاتر ئَ ایر بیت۔ چاگردی شعبہ ئِ 89ارب کلدار ئَ 29ارب کلدا ر وانگ ئُُ زانگ ئِ شعبہ ئِ ھاتر ئَ بیت جان سلامتی ئُُ آباتی ئِ شعبہ ئِ ھاتر ئَ 30ارب کلدار، پائیدار دیمروی ہدف ئِ پجارینگ ئِ ھاتر ئَ 20ارب کلدار ئُُ دومی شعبہ آنی ھاتر ئَ 10ارب کلدار ایر کنگ بیت۔ سائنس ئُُ انفارمیشن ٹیکنالوجی ئِ شعبہ ئِ ھاتر ئَ 9ارب کلدار، نظم ئُُ نسق ئِ ھاتر ئَ 8ارب کلدار، آزاد جموں ئُُ کشمیر، فاٹا ئُُ گلگت بلتستان ئِ ھواری ئَ ھاسیں دمگ آنی ھاتر ئَ 42ارب کلدار ایر کنگ بیت انت۔ آﺅکیں مالی سال ئِ ھاتر ئَ اقتصادی شرح نمو ئِ ہدف 5.7درصد بیت۔ بجٹ ئَ 0.4درصد ود ہولڈنگ ٹیکس ئِ پجارینگ ئِ ھوالہ ئَ ہم پالیسی ئِ جار جنئگ بیت ئُُ اےشی ئِ وھد ئَ 30جون ئَ دراج کنگ ئِ امیت انت۔ ٹیکس گرگ ئِ ھاتر ئَ بجٹ ئَ نوکیں تجویز ھوار کنگ ئَ انت آئی ئَ محصولات ئِ وصولی ئَ زیات کنگ ئِ امیت انت۔ رواں مالی سال ئِ ھاتر ئَ ٹیکس وصولی ئِ ہدف 3104ارب کلدار ایر کنگ ئَ انت۔ جولائی 2015ئَ 31مئی 2016ٹیکس وصولی 2640ارب کلدار ئَ چہ زیات بوتگ انت۔ یکم جولائی 2014ئَ تاں 31مئی 2015، 2190ارب کلدار ٹیکس ریونیو جمع کرتگ ات انت۔ ہمے وڑ ئَ رواں مالی سال ئِ وھد ئَ ایف بی آر ئَ گوستگیں مالی سال ئِ مقابلہ ئَ 21درصد یعنی 452ارب کلدار زیات ئِ 11ماہ ئَ ٹیکس جمع کرتگ انت۔ ایف بی آر ئَ مئی 12016ئَ 296ارب 50کروڑ کلدار ئِ ٹیکس جمع کرتگ چوشکہ مئی 2015ئَ 238ارب سے کروڑ کلدار جمع بوتگ ات انت۔ رواں ماہ ئِ وھد ئَ وصولی آنی ہدف پجارینگ ئِ ھاتر ئَ 452ارب کلدار ئِ وصولی کنگ بیت۔ آﺅکیں مالی سال ئِ ھاتر ئَ ٹیکس آنی پجارینگ ئِ ہدف 3500ارب کلدار زیات ایر کنگ ئِ امیت انت۔ بجٹ ئَ سرکاری ملازم آنی پگار ئُُ پنشن آں ہم اضافی ئِ تجویز ئِ سرا پکر است انت۔ ایشی ئَ ابید چاگرد ئِ کمزور ئُُ حقدار طبقہ ئِ فلاح ئُُ بہبود ئُُ آھانی بنیاتی آسراتی دئیگ ئِ ھاتر ئَ لہتیں سکیم آنی جار جنئگ بیت ۔ حکومت آﺅکیں دو سال ئَ اقتصادی شرح نمو 6درصد ئَ چہ 7درصد برگ ئِ ھاتر ئَ پر ازم انت۔ توان ئِ پیداوار ئَ اضافہ ئُُ نوکیں پیداواری منسوبہ ئَ توان سسٹم ئَ آﺅکیں اقتصادی شرح نمو ئَ دِگہ 2درصد اضافہ ئِ امیت انت۔ آئی ئَ اُلس ئَ شر آسراتی دئیگ ، بنیاتی ڈھانچہ ئِ دیمروی ئُُ جان سلامتی، وانگ ئُُ دومی شعبہ آنی ھاتر ئَ بازیں فنڈ ایر کنگ ئُُ اے شعبہ آنی کار ئُُ کرد شر جوڑ کنگ ئَ کمک بہ رسیت۔ چین پاکستان اقتصادی راہداری ئِ شریں منصوبہ ئِ وجہئَ ہم ملکی معیشت ئَ شر آتگ انت ۔ توانائی ئِ شعبہ ئِ لہتیں منصوبہ آنی ھاتر ئَ ہم آﺅکیں مالی سال ئِ بجٹ ئَ مزنیں زر ایر کنگ ئَ انت آئی ئِ آسر ئَ توانائی ئِ بحران ئِ ھلاسی ئَ یقینی جوڑ کنگ بیت۔