اسلام آباد۔16اپریل (اے پی پی):بنجاھی وزیر برائے میری ٹائم جنید انور چوہدری ءَ گوشت کہ پاکستان ءِ میری ٹائم سیکٹر ءَ سرمایہ کاری ءِ مزنیں موہ است انت۔ سمندری سیل ءُ سواد، رسد، بندرگاہ ءِ دیمروئی ءُ نیلیں معیشت ءِ تہ ءَ نوکیں سرمایہ کاری ملک ءِ معیشت ءِ استحکام ءَ کمک کت کنت۔ وزارت بحری کار ءِ نیمگ ءَ چہ جاڑی بوتگیں بیان ءِ رد ءَ آئی ءَ اے ھیالانی درشانی چینی یک مزنیں تعمیراتی کمپنی ءِ وانگ یاؤڈونگ ءِ سروکی ءَ 6باسکی مزن تک ءِ ڈل ءَ گوں گپ ءُ تران کنان ءَ کتگ ات، آئی ءَ چار شمبے ءِ روچ ءَ آئی ءَ گوں گند ءُ نند کتگ ات۔ گند ءُ نند ءَ میری ٹائم انفراسٹرکچر ءِ دیمروئی ءِ تہ ءَ ھاسیں رنگ ءَ شاہراہ ءِ جوڑیشت ءُ آپ ءِ پھجاری ءِ منصوبگ آنی تہ ءَ دو نیمگی کمک ءِ سر ءَ ھیال ریچی کنگ بوت۔ چین ءِ گوما دیریں شریکداری ءِ توسیپ کنان ءَ بنجاھی وزیر ءَ گوشت کہ پاکستان ءِ میری ٹائم سیکٹر ءَ سرمایہ کاری ءِ مزنیں موہ است انت، ایشی ءَ را گیش دیمروئی دیگ ءِ ضلورت انت۔ آئی ءَ گوشت کہ سمندری سیل ءُ سواد، رسد، بندرگاہ ءِ دیمروئی ءُ نیلیں معیشت ءِ تہ ءَ نوکیں سرمایہ کاری ءَ چہ ملکی معیشت ءِ برجائی ءَ کمک رس ایت۔ بنجاھی وزیر ءَ ڈل ءَ را پورٹ قاسم، کراچی بندر ءُ گوادر بندر ءِ اسٹریٹجک ارزشت ءِ بابت ءَ سرپد کت ءُ گوشت کہ اے بندر آنی دیمروئی ملک ءِ دیمروئی ءِ واستہ ناگزیر انت۔ گند ءُ نند ءَ دریا ءِ آپ ءَ را ورگ ءِ لائک جوڑ کنگ ءِ واستہ پورٹ قاسم ءَ ڈیسیلینیشن پلانٹ ایر کنگ ءِ بابت ءَ ھاسیں گپ ءُ تران کنگ بوت۔ چینی ڈل ءَ اے منصوبگ ءِ تہ ءَ سک باز دلگوشی ءِ درشانی کت ءُ گوشت کہ بنجاھی وزیر ءَ گوشت کہ اے پلانٹ آنی تہ ءَ نہ ایوک ءَ ساپیں آپ ءِ پجاری بیت بلکیں صنعتی شوبگ ءَ را آپ ءِ برجاھیں سپلائی ءَ را ھم دل یکیمی کنگ بیت۔ ڈل ءِ سروک وانگ یاؤڈونگ ءَ گوشت کہ آئی ءِ کمپنی نوکیں ٹیکنالوجی ءُ سرمایہ ءِ آرگ ءِ واھشت مند اِنت تانکہ پاکستان ءَ را پائیدار دیمروئی ءِ مول ءُ مراد آنی سرجمی ءَ کمک بہ کنت۔ چینی ڈل ءَ زوت فزیبلٹی اسٹڈی بندات کنگ ءُ دمگی اسٹیک ہولڈر آنی گوما رابطہ جوڑ کنگ ءِ دل یکیمی ھم داتگ۔
