اسلام آباد۔16اپریل (اے پی پی): بنجاھی تہی کار ءُ منشیات ءِ گر ءُ دار ءِ بنجاھی وزیر سینیٹر محسن نقوی ءَ گوشت کہ حکومت خلیج ءِ ملک آنی گوما منشیات ءِ ھلاپ ءَ ھرچ پڑ ءَ کمک ءَ را گیش گیش کنگ ءِ واستہ تیار اِنت۔ ما انٹیلی جنس ءِ بہر ءُ بانگ، یکجائی تربیت، ریئل ٹائم کمیونیکیشن ءُ فرانزک ءُ تکنیکی کمک ءِ وڑیں پڑ آنی تہ ءَ کمک ءَ را گیش کنگ لوٹ ایت۔ خلیج ءِ ملک آنی کمک ءُ شریکداری مئے سوبمندی ءِ ضمانت انت۔ آ چار شمبے ءِ روچ ءَ پاک خلیج اینٹی منشیات کانفرنس ءَ گوں گشتانک کنگ ءَ ات۔ بنجاھی داخلہ ءِ وزیر، خلیج ءِ ملک آنی ڈل، ڈی جی اے این ایف ءُ سیادی داروکیں ادارگ آنی کارندہ افتتاحی مراگش ءَ ھوار اتنت۔ وزیر داخلہ ءُ انسداد منشیات سینیٹر محسن نقوی ءَ گوشت کہ منشیات ءِ ھلاپ ءَ فورس ءِ میزبانی ءَ منشیات ءَ چہ آزاتیں دگنیا ءِ یکجائی وژن ءِ چیر دستی ءَ منشیات ءَ چہ پاکیں دگنیا ءِ یکجائی وژن ءِ چیر دستی ءَ برجم دارگ بوھگ ءَ منی واستہ شرپ ءُ فخر ءِ وسیلگ اِنت۔ آئی ءَ گوشت کہ مرچی ما ایوک ءَ وتی ریاست آنی نمائندگ نہ ایں، بلکیں منشیات ءِ دزگٹی ءِ ھلاپ ءَ گلوبل فرنٹ ءِ سر ءَ فرنٹ لائن سپاھیگ ءِ رنگ ءَ ادا یکجا ایں۔ خلیج ءِ ملک آنی ڈل آنی ادا ھست بوھگ مئے یکجائی ءِ جزم ءِ درشان اِنت۔ مارا کمک ءَ را گیش مھکم کنگی اِنت، انٹیلی جنس ءِ تبادلہ کنگی اِنت ءُ منشیات ءِ سوداگری ءُ ایشی ءِ کارمرد کنگ ءِ دیم ءَ دارگ ءِ ھاترا موثریں حکمت عملی جوڑ کنگی اِنت۔ وزیر داخلہ ءُ منشیات ءِ گر ءُ دار ءَ گوشت کہ ما یکجائی ءَ اے آفت ءِ ھلاپ ءَ جوانیں گامگیج چست کت کناں۔ ما وتی ورنائیں نسل ءُ چاگردانی واستہ یک ایمنیں باندات ءِ یقینی طور ءَ دل یکیمی کنیں۔ آئی ءَ گوشت کہ پاکستان خلیج کوآپریشن کونسل ءِ توامیں شرپ مندیں نمائندہ آنی دل ءِ تہ ءَ چہ منت وار انت۔ پاکستان شمئے ارزشتی ایں وھد ءُ شریکداری ءِ جذبہ ءَ را ارزشت دنت۔ پاکستان ءَ تئی نندگ پائدگ مند ءُ یاتگاریں ثابت بیت۔
