اسلام آباد۔16اپریل (اے پی پی): اسلام آباد، پنجاب، خیبر پختونخوا ءُ آزاد کشمیر ءِ بازیں شہراں چار شمبے ءِ سہب ءِ مہلا ءَ چہ 5.6 ءِ زمین چنڈ ءِ لرزگ ءِ سما بوتگ۔ نیشنل سیسمک مانیٹرنگ سینٹر ءِ ردا زمین چنڈ ءِ بنجاھ اوگانستان ءِ ھندوکش کوہ ءِ سلسلہ ءَ زمین ءِ چیر ءَ چہ 121 کلومیٹر جہل ءَ بوتگ۔ پاکستان سٹینڈرڈ ٹائم ءِ رد ءَ چار شمبے ءِ روچ ءَ بیگاہ ءِ 4:13 ءَ زمین چنڈ بوتگ ءُ ایشی ءِ لرزگ اسلام آباد، راولپنڈی، لاہور، فیصل آباد، گجرات، گجران والا، شیخو پورہ، ظفروال، سرائے عالمگیر، پشاور، نوشہرہ ، مردان، ایبٹ آباد ، ہری پور ، سوات، چترال، شانگہ، مالا کنڈ مظفر آباد، بھمبر ءُ ایندگر بازیں دمگ آں زمین چنڈ سما بوتگ۔ انوگ ءَ تاں ھچ وڑیں جانی ءُ مال ءِ تاوان ءِ ھال رسگ ءَ نہ اِنت۔ امریکہ ءِ جیولوجیکل سروے ءِ رِد ءَ ہندوکش ءِ دمگ ءَ زمین چنڈ ءِ شدت 5.6 بوتگ ءُ ایشی ءِ لرزگ اوگانستان، پاکستان، تاجکستان ءُ ازبکستان ءِ لھتیں دمگاں گندگ بوتگ اَنت۔
