اسلام آباد۔16اپریل (اے پی پی): مزن وزیر محمد شہباز شریف ءَ لیبیا ءَ بوتگیں کشتی ءِ وئیل ءِ سر ءَ دلپدردی درشان کتگ کہ ایشی ءِ تہ ءَ چار پاکستانی ھم بیران بوتگ اَنت۔ چار شمبے ءِ روچ ءَ سوشل نیٹ ورکنگ ویب سائٹ ’’ایکس‘‘ ءِ سر ءَ وتی کلوہ ءِ تہ ءَ مزن وزیر ءَ گوشت کہ لیبیا ءِ شہر سرت ءِ نزیک ءَ کشتی ءِ وئیل ءِ ھوالگ ءَ طرابلس ءَ پاکستانی مشن ءِ نیمگ ءَ چہ رستگیں ھال آنی سر ءَ دلپدرد اِنت کہ ایشی ءِ تہ ءَ گوستگیں روچ ءَ بیران بوتگیں 11 مردم آنی تہ ءَ چہ 4 پاکستانی آنی بیرانی ءِ تصدیق بوتگ۔ مئے مشن ءُ درئی کارانی کارگس بیران بوتگیں پاکستانیانی لاشانی پچ گرگ ءِ واستہ دمگی واکدارانی گوما کار کنگ ءَ انت۔ مزن وزیر ءَ گوشت کہ مئے پاکستانی آناں مرگ ءِ نیمگ ءَ دھکا ءَ جنوکیں مردمانی ھلاپ ءَ تچک ءَ کارروائی کنگ ءَ آں تانکہ آیوکیں وھد ءَ مئے اُلس ءَ را وتی دوستیں مردم آنی جون بہ رس ائیت۔
