اسلام آباد۔15اپریل (اے پی پی): راجی اسمبلی ءِ اسپیکر سردار ایاز صادق ءَ گشتگ کہ امریکی ڈل ءَ تحریک انصاف ءِ بنجاہی ءِ نام گرگ نہ کتگ وھدیکہ امریکی کانگریس ءِ ڈل ءَ اے گپ پدر کتگ کہ آہانی گوں پاکستان ءِ توکی کاراں ہچ وڑیں سیادی نیست۔ سئے شمبے ءِ روچ ءَ میڈیا ءِ نمائندگاں گوں گند ءُ نند ءَ آئی ءَ گوشت کہ ترکی اسمبلی ءِ اسپیکر ءَ فلسطین ءِ جاورھال آنی سر ءَ کانفرنس گوانک جتگ۔ ترکی ءَ اسپیکر ءَ را کانفرنس ءَ بہر زورگ ءِ دعوت داتگ۔ فلسطینی راج ءِ نگیگیں جاوراں گندگ ءَ من ءَ رنج بیت۔ من کانفرنس ءَ بہر زوراں ءُ پاکستان ءِ لیکہ ءَ پیش کناں ۔ آئی ءَ گوشت کہ پاکستان ءِ حکومت ءُ الس فلسطین ءِ الس ءِ گوما اوشتاتگ، فلسطین ءِ ھوالگ ءَ پاکستان ءِ موقف ھاسیں ءُ برجم اِنت، اسرائیل فلسطین ءِ بے گناہیں الس ءِ سر ءَ زلم ءُ زوراکی کنگ ءَ اِنت، اپوزیشن ہر جیڈھ ءِ سر ءَ بے توار اِنت، امریکی کانگریس ءِ پاکستان ءِ تر ءُ تاب ءِ وھد ءَ اپوزیشن ءَ ھم زھرشانی کتگ، چیئرمین پی ٹی آئی گوھر خان ءُ چیف وپ آف اپوزیشن ءِ جیڈھ ءِ سر ءَ دعوت دیگ بوتگ۔ ایوان ءِ تہا تران کنگ بوتگ ات، 30 ءَ چہ گیش باسکاں نہر آنی جیڈھ ءِ سر ءَ گپ جتگ ات۔ نائب مزن وزیر ءُ سیکرٹری اسحاق ڈار ءَ بھنگ ءِ جیڈھ ءِ بابت ءَ حکومت ءِ لیکہ ھاسیں رنگ ءَ گوشت۔ پیپلز پارٹی ءَ 7 اپریل ءَ بھنگ ءِ بابت ءَ گپ ءُ تران کنگ ءِ ھاترا قرارداد پیش کتگ ءُ اپوزیشن ءَ 10 اپریل ءَ قرارداد پیش کتگ یک جست ءِ پسو ءَ آئی ءَ گشتگ کہ کورم ءِ سرجم کنگ سرکار ءِ ذمہ واری انت ۔ پارلیمانی امور ءِ وزیر ءَ را باز رند ءَ ھال دیگ بوتگ کہ اگاں کانود جوڑ کنگ بہ بیت گڈا کورم ءِ سرجم کنگ المی اِنت۔ دزگیریں باسک آنی واستہ پیداوار ءِ پرمان شنگ کنگ بوتگ انت۔ سرجمیں پارلیمانی لاج بندیگ جاہ ءَ اپوزیشن ءِ باسک آنی واستہ پچ جار جنگ بوتگ انت۔ پیسریگیں سرکار ءَ پیداوار ءِ آرڈر شنگ نہ کتگ ات۔ ہر جیڑہ گپ ءُ تران ءِ وسیلہ ءَ گیش ءُ گیوار بوت کنت۔ آئی ءَ گشتگ کہ من گپ ءُ تران ءِ سرجمی ءَ حمایت کناں، من گپ ءُ تران ءِ ھاتر ءَ سنگینیں کوشست کتگ ءُ امریکی ڈل ءَ تحریک انصاف ءِ بنجاہی ءِ نام گرگ نہ بوتگ۔ امریکی کانگریس ءِ ڈل ءَ تچکیں رنگ ءَ گشتگ کہ مئے پاکستان ءِ توکی سیاسی معاملہ آں گوں ہچ وڑیں سیادی نیست۔ اے پیسلہ کنگ بوت کہ جست ءُ پرس ءِ وھد ءَ کس ءَ را ھچ وڑیں پوائنٹ آف آرڈر دیگ نہ بیت۔ اے امریکی کانگریس ءِ واھگ بوتگ کہ آ جست ءُ پرس ءِ وھد ءَ سرجم بہ کنت۔ جست ءُ پرس ءِ وھد ءَ راجمانی ارزشت ءِ جیڑھانی سر ءَ جُست ءُ پُرس کنگ بیت۔ ایوان ءَ را وشیں رنگ ءَ دیم ءَ برگ حکومت ءِ ھوار اپوزیشن ءِ ھم ذمہ واری اِنت۔ اپوزیشن رہشون ءِ نیمگ ءَ چہ ایجنڈا ءَ پیش کتگیں جست ءُ دلگوشی نوٹس آنی ھوار نہ کنگ ءِ ھوالگ ءَ آھانی اعتراض آنی ریکارڈ ءِ ھمراھی ءَ توجیل ءِ نمدی ءِ ھمراھی ءَ روان دیگ بوتگ۔
