کوئٹہ۔ 15 اپریل (اے پی پی): مستونگ ءَ تراک ءَ پد سول اسپتال کوئٹہ ءُ بولان میڈیکل کمپلیکس اسپتال ءَ ہم ایمرجنسی لیکگ بوتگ ۔ بلوچستان حکومت ءِ جارکش شاہد رند ءِ ردا بولان میڈیکل کمپلیکس ہسپتال ءُ سول ہسپتال ءَ کوئٹہ ءَ چہ 50 کلومیٹر دور مستونگ ءِ دمگ شمس آباد ءَ پولیس ءِ ٹرک ءِ نزیک ءَ تراک ءِ پد ءَ ایمرجنسی ءِ جار جنگ بوتگ۔ تراک ءِ آماچیں ٹپیگ کوئٹہ ءَ شنگ کنگ بیگ ءَ انت۔ بلوچستان سرکار ءِ جارکش ءِ رد ءَ بلوچستان ءِ سر وزیر سرفراز بگٹی ءَ جان سلامتی ءِ وزیر بخت کاکر ءَ را ہدایت کتگ کہ آ ٹپیگاں شریں وڑے ءَ دوا ءُ درمان کمک بہ کنت ءُ آہانی سرا براہ راست نگرانی بہ کنت۔ جارکش ءِ رد ءَ بلوچستان ءِ سر وزیر سرفراز بگٹی ءَ گشتگ تراک ءَ چہ ٹپیگیں مردمانی علاج ءَ ہچ وڑیں لاپرواہی برداشت کنگ نہ بیت ۔ بلوچستان سرکار اے وئیل ءِ تُرندی ءَ ایر جنت ءُ شھیدانی کھول ءِ ھمراھی ءَ اوشتات کنت۔ واقعہ ءِ تہا ہواریں عناصر ہچ وڑیں مراعات ءِ مستحق نہ انت۔
