اسلام آباد۔15اپریل (اے پی پی): صدر آصف علی زرداری ءَ مستونگ ءَ بلوچستان کانسٹیبلری ءِ گاڑی ءِ کش ءَ بوتگیں تراک ءِ مذمت کتگ ءُ تراک ءِ تہ ءَ سئے کارندہ شہید بوھگ ءِ سر ءَ سک باز بژن ءُ اپسوز درشان کتگ ۔ سئے شمبے ءِ روچ ءَ مزن صدر ءِ پریس ونگ ءِ رد ءَ صدر ءِ مملکت ءَ بلوچستان کانسٹیبلری ءِ کارندہ آناں ملک ءِ ایمنی ءِ واستہ وتی جان ندر کنگ ءِ پد ءَ شگر ءُ منت گپت۔ صدر ءِ مملکت ءَ ملک ءَ چہ ناشرکاری ءِ سرجمی ءَ ھلاس کنگ ءِ کوشست آناں برجاہ دارگ ءِ جزم ءِ پد ءَ پدر کت ءُ شھید آناں مزن اگدہ ءِ سر بوھگ ءُ گمیگیں ھاندان آناں سگ ءُ اوپار کشی ءِ دعا کت۔ آئی ءَ تراک ءَ چہ ٹپیگیں مردمانی زوت جان سلامتی ءِ دعا کتگ ۔
