اسلام آباد۔ 15 اپریل (اے پی پی) چیئرمین سینیٹ سید یوسف رضاگیلانی مستونگ اٹی بلوچستان کانسٹیبلری نا گاڈی آ آئی ای ڈی جلہو نا ترندی اٹ مذمت ءِ کرینے ہراٹی مسہ کارندہ شہید و چندی ٹھپی مسنو۔ سینیٹ سیکرٹریٹ نا رداٹ چیئرمین سینیٹ پارے کہ ملک دشمن زموارآک امن و ایمنی ءِ لتاڑنگ کن لغوری نا چم آتے کاریم اٹ اتنگ ءُ، ولے قوم تینا شہید آتا قربانی تے زیان مننگ کن اِلیپک۔ اوپارے کہ داوڑنا واقعہ غاک ننا عزم ءِ نزور کننگ نا جاگہ غا سوگو کیرہ ۔ سید یوسف رضاگیلانی شہید آتا خاہوت آتون ہمدردی و ہڑزخواہی نا درشانی ءِ کرسا ٹھپی تا زوت دراخ جوڑی کن دعاکرے۔ اوپارے کہ ٹھپی تے دمدستی و گچین طبی آسراتی فراوان کننگے و واقعہ ٹی اوار زموار آتے اوفتے اوفتا کروک نا سزاتننگے۔ اوپارے کہ سیکورٹی ادارہ غاتا قربانیک قوم اکن گمر نا سوب ءُ، نن اوفتے تون سلوک اُن۔
