اسلام آباد۔ 15 اپریل (اے پی پی) اسپیکر قومی اسمبلی سردار ایاز صادق پارینے کہ ورناآفیسر آک ملک انا سفیر و پاکستان نا روشنا آخبت ءُ، اوفتا خواری و سرسہبی آ نن غٹ گمر کینہ۔ پاکستان نا مثبت تاثر ءِ تالان کننگ نما غٹ انا بایدے اولیت مرے۔ سےشنبے نادے آ فارن سروس اکیڈمی ٹی پاس آؤٹ مروک آ آفیسر آتیان تران کرسا اسپیکر پارے کہ پاکستان ءِ دہشت گردی و موسمیاتی بدلی کون آ سنگین ویل مون تروک ءِ، مذاکرات ہی غٹ ویل آتا ایسر ءِ ولے دہشت گرد و ریاست مخالف آتون سختی اٹ مون تننگک، انسانی حق انا پاسداری آ ہیت کروک آک غزہ و کشمیر اٹی مروک آ انسانی حق انا خلاف ورزی تا ہم بایدے نوٹس ءِ ہلیر، سفارت کاری ٹی پارلیمان نا کڑد بھاز اہم مریک۔ اسپیکر قومی اسمبلی پارے کہ بطور اسپیکرمدام پاکستان نا مثبت و حقی تاثرءِ تالان کریٹ، 2018آن 2021پاکستان اٹی سیاسی انتقام نا بدترین دور ئس، بطور اسپیکر اپوزیشن نا غٹ باسک آتا پروڈکشن آرڈرجاری کرین و سیاسی انتقام نا روایت ءِ بدل کرین، اوغانستان اٹی ہلوک آ سلہہ غاک داسہ پاکستان نا برخلاف کاریم اٹ اتنگ انگ ءُ، اوورسیز پاکستانی تا ویل آتا ایسر نما بایدے اولیت مرے۔ اوپارے کہ دنیا بدل مننگ ءِ نما زمواری ءِ کہ نم پوسکن آ خواست آتون ہم گرنچ مبو۔ پیشن نا ملک آتون رابطہ غاتے مون آدننگ سفارتکار آتا زمواری ءِ۔
