اسلام آباد۔ 15 اپریل (اے پی پی) صدر مملکت آصف علی زرداری مستونگ اٹی بلوچستان کانسٹیبلری نا گاڈی نا خڑک دھماکہ نا مذمت ءِ کرسا دھماکہ ٹی 3 کارندہ غاتا شہیدی آ ڈکھیائی واست ہسونی نا درشانی ءِ کرینے۔ سے شنبے نادے آ ایوان ءِ صدر نا پریس ونگ انا رداٹ صدر مملکت ملکی سلامتی نا خاطر جون تے ندر کننگ آ بلوچستان کانسٹیبلری نا کارندہ غاتے خراج عقیدت پیش کرے۔ صدر مملکت ملک آن دہشت گردی نا پورو چٹفنگ کن کوشست آتے برجاتخنگ نا عزم انا درشانی ءِ کرے و شہید آتیکن درجہ غاتا بڑزی و خاہوت آتیکن صبر وجمیل نا دعاکرے۔ اودھماکہ ٹی ٹھپی مروک آتا زوت دراخ جوڑی کن دعاکرے۔
