اسلام آباد۔ 15 اپریل (اے پی پی) وزیراعظم محمد شہباز شریف بلوچستان نا ضلع مستونگ نا علاقہ شمس آباد اٹی بلوچستان کانسٹیبلری نا گاڈی آ دہشت گرد آتا جلہو نا ترندی اٹ مذمت ءِ کرسا3 کارندہ غاتا شہیدی آ است ہسونی نا درشان و انسانیت نا دشمن دہشت گرد آتا ناپاک عزم ءِ مش تا کننگ نا عزم انا درشانی ءِ کرینے۔ سے شنبے نادے آ وزیراعظم آفس نا میڈیا ونگ انا کنڈآن جاری بیان نا رداٹ وزیراعظم واقعہ ٹی شہید مروک آ کارندہ غاتیکن درجہ غاتا بڑزی و خاہوت آتیکن صبر و جمیل نا دعاکرے۔ وزیراعظم ٹھپی تے دمدستی طبی امداد فراوان کننگ نا پارت ہم کرے۔ اوپارے کہ انسانیت نا دشمن دہشت گرد آتا ناپاک عزم ءِ مش تا کینہ۔ ملک آن دہشت گردی نا پورو چٹفنگ اسکان دہشت گرد آتا برخلاف ننا جنگ برجاسلک۔
