اسلام آباد۔ 14 اپریل (اے پی پی) صدر آصف علی زرداری پارینے کہ سکھ برادری وطنِ عزیز نا شونداری و شونہالی ٹی نمان کڑد ادا کننگ ءُ، پاکستان نا آئین اقلیت آتے پورو مذہبی آجوئی، بریبرحق و رکھ فراوان کیک۔ دوشنبے نادے آ ایوان ءِ صدر نا پریس ونگ انا رداٹ صدر مملکت داخیال آتا درشانی ءِ بیساکھی نا تہوار نا وخت آ تینا کلہو اٹی کرے۔ اوپاکستان و مچ آ دنیا ٹی رہینگوک سکھ برادری ءِ بیساکھی نا خوشی نا وخت آ مبارکبادی ترساپارے کہ بیساکھی پاکستان نا زیبائی اونا دودوربیدہ ئی و مذہبی تنوع نا نشانی ءِ۔ صدر مملکت پارے کہ سکھ برادری وطن ءِ عزیز نا شونداری و شونہالی ٹی نمان کڑد ادا کننگ ءِ، بین المذاہب ہم گرنچی، رواداری و پرامن بقائے تین پہ تینی نا اصول آتیا سلنگ کن سنبرینگوک اُن۔صدر آصف علی زرداری بیساکھی نا تہوار نا وخت آ تینا کلہو اٹی مستی پارے کہ سکھ برادی نا خوشی، شونداری و سلامتی کن دعاکیوہ۔
