کوئٹہ۔ 02جون (اے پی پی) باسک صوبائی اسمبلی و مسکوہی وزیر خور میر اظہار حسین کھوسہ پارینے کہ پاک چین اقتصادی راہداری ڈٹ انا پوروی آن بلوچستان اٹی انقلابی تبدیلی بریک، وزیراعلیٰ بلوچستان نواب ثناءاللہ خان زہری صوبہ نا شون و پسماندگی نا چٹفنگ کن پبی گام گیج کننگ ئِ ۔ مسلم لیگ (ن) نا حکومت ملک اٹی شون و شونہالی اتسا الس نا زند انا آب ئِ گچین جوڑ کرسا ہراکڑد ئِ ادا کرینے اونا مثال ملیپک، داہیت ئِ او ”اے پی پی“ تون ہیت وگپ کرسا پارے۔ باسک صوبائی اسمبلی پارے کہ وزیراعلیٰ بلوچستان نواب ثناءاللہ خان زہری نا سروکی ٹی بلوچستان شون نا مزل ئِ طے کننگ ئِ، روڈ آتا جوڑ جاڑ ، جان جوڑی و تعلیم آبنوشی، کشت وکشار و ایریگیشن ڈٹ آتا بحالی و پوسکن جوڑ جاڑ کن ہراگام گیج آتے کننگانے اوڑآن مچ آ صوبہ ٹی انقلاب اس بسنے۔ اوپارے کہ حلقہ گچین کاری ٹی کروڑ آ روپئی نا خڑچ آن شونداری ڈٹ آک جاری ئُ۔ پاک چین اقتصادی راہداری ڈٹ انا پوروی آن ڈیہہ ٹی روزگار نا وارخواہی ودی مریک۔ ڈٹ پاکستان نا روشنا و شونہال آخبت نا ضامن ئِ۔ اوپارے کہ سی پیک اسہ سریس وختی ڈٹ اسے، وزیراعلیٰ بلوچستان نواب ثناءاللہ خان زہری سی پیک ڈٹ آن بابت بلوچستان نا الس ناحق انا رکھ انا ادراک ئِ تخک بلوچستان ئِ شون و قومی دنگ اٹی اتنگ کن وزیراعظم محمد نواز شریف و زیراعلیٰ بلوچستان نواب ثناءاللہ خان زہری نا مخلصانہ و سنجیدہ کوشست آتا بھرم آک الس اسکان ضرور رسینگرہ۔
